Pájina aktualizada iha 03:17h, domingu 24 Novembru

Hau nia lian, hau nia rain

02 de Outubro de 2010, 19:34

Dialetu 33, entre sira 16 lian ofisial, sura tán tétum hó Portugues. Hosi ne’e maka moris hanoin atu hamosu kompetisaun linguístika ida. Knananuk, poema, nó história badak bá labarik sira tau bá kompetisaun riku soin nó diversidade kultural timor-oan sira nian.

Timor-Leste, hau nia Rain

Durante tinan 24 Timor Leste moris iha domíniu Indonézia nia okos nó lian Portugues uza hanesan dalan komunikasaun entre funu-na’in sira. Ida ne’e lá sura hó dialetu 33, entre lian hirak ne’e, 16 lian nasional.

Ohin loron Portugues nó Tétum maka lian ofisial sira, lian Ingles nó Indonézia uza hanesan lian hala’o servisu. Hó objetivu atu prezerva riku soin nó diversidade linguístika rai ne’e nian, Prezidencia, Ministériu Edukasaun, Sekretaria de Estadu bá Kultura nó Komisaun Nasional Unesco nian iha Timor-Leste, tau hamutuk hanoin bá avaliasaun nó dezenvolvimentu lian nasional timor-aon sira nian, hosi ne’e maka mosu projetu “Hau nia Lian, hau nia Rain”.

Konseitu

“Hau nia Lian, hau nia Rain” ne’e kompetisaun ida ne’ebe konsiste atu hamosu knananuk, poema nó história badak sira iha lian 16, sura mós lian ofisial rua. Kompetisaun ne’e hahú tiha ona iha loron 24 fulan Setembru, nó halo bá timor-oan sira hotu. Sei halo publikasaun ida hafoin kompetisaun remata nó sei fó sai bá mundu buat diak liu sa’ida maka halo iha Timor.

Sorumutuk dahuluk ekipa servisu nian, hala’o iha semana ida ne’e, ne’ebe halibur reprezentante hosi lian hirak ne’e hotu, iha sala Unesco nian, iha Dili. Kandidatura liu 200 maka aprezenta tiha ona.

 


Knananuk, poema, história badak halo parte bá konjuntu materiais hirak ne’ebe sei hetan avaliasaun hosi ekipa júri ida independente. Avaliasaun bá knananuk nó poema sira sei monu bá responsabilidade ema sira ne’ebe iha sensibilidade artístika. Bá lian balun hanesan Macua, projetu Hau nia Lian, hau nia Rain bele permite atu rejista nó fó hatene lian ida ne’ebe ema lá ko’alia tiha ona. Sorumutuk tuir mai atu halibur ekipa servisu nian sei hala’o iha 12 Outubru.

Hó tulun Timor Telecom nian, proposta hirak ne’e hetan tulun, atu nune’e partisipante sira bele entrega sira nia kandidatura iha naran loja TT nian ida. Prémiu bá manan na’in sira mós sei hetan hosi empreza ne’e, ne’ebe tamba ninia responsabilidade sosial, tamba ida ne’e, empreza ne’e asosia mós hó inisiativa ida ne’e.

Lian seluk ne’ebe maka sei tuir kompetisaun, alende Tétum nó Portugues?

Fataluku, Tetun-Terik, Makassae, Tokodede, Galoli, Makalero, Idate, Mambae, Bunak, Kemak, Naueti, Waima’a, Habun, Isni, Baikeno e Lakalei.


Comentários

Critério de publicação de comentários