Pájina aktualizada iha 09:04h, kuarta-feira 20 Setembru

Krónika husi I Raid TLA

29 de Julho de 2011, 16:59

Iha loron 16 fulan Jullu tinan 2011, husi do’ok rona motor kareta ninia lian. La bosok, katak populasaun ne’ebé hela iha Dili laran, sai hotu ba dalan atu hodi haree ká asisti I Raid TLA – Nas Rotas de Timor! ne’ebé hahú sai husi parke ká jardin Palásiu Prezidénsia ninia laran.

Hanesan kompetisaun animada nó saudavel ida, ne’ebé halian ona kareta ninia motor nó halo haksolok ona ema ninia laran ho velosidade ne’ebé mak kareta ne’e halo bá iha marjen husi parte sul illa Timór nian. Husi ekipa haat nulu-resin-haat ne’ebé mak hola parte iha eventu ne’e, hola parte mós ema husi nasaun oioin nó husi ema sira ne’ebé hala’o kna’ar oioin.

Regra husi kompetisaun regularidade ba eventu ne’e simples lós: ekipa idaidak tenki hala’i tuir espasu ká dalan ne’ebé hatudu iha roadbook durante velosidade média ideál nia laran, iha loron dahuluk, hetan kontrolu ikus, iha fatin ida husi fatin espesiál neen, hanesan iha Aileu, Same nó Natarbora nó hetan mós kontrolu iha Manatuto, Metinaro nó Díli, tuir prova ba loron daruak nian katak sei fó kastigu ba ema ne’ebé mak to’o uluk ká depois husi tempu ne’ebé determina ona.

Ekipa ida ne’ebé mak konsege to’o iha risku ká meta finál nian tuir totál oras besik ba médiu ideál, mak sei sai hanesan manan-na’in ba iha eventu ne’e.

Eventu ne’e hahú loke husi Dr. José Ramos Horta, nu’udar Prezidente Repúblika Demokrátika Timor-Leste nó kareta sira hala’i sai ho velosidade ne’ebé maka’as ho diresaun ba Natarbora. Maski maioria husi membru ba ekipa hirak ne’ebé hola parte iha eventu ne’e, la iha experiénsia ba iha lides automobilizmu nian, husi sira ne’e barak liu mak iha ambisaun atu bele to’o lalais iha meta finál ne’ebé hatudu tiha ona, nó espíritu kompetitivu mós kontinua mantén nafatin durante prova ninia laran.

Maibé kondisaun estrada nó amadorismu husi partisipante sira, presiza atu ka’er kareta ho di’ak nó sente katak seguru hela, até tenki ta’u mós atensaun ba velosidade ne’ebé sai hanesan fatór fundamentál, hodi nune’e bele hetan klasifikasaun ne’ebé di’ak iha kompetisaun ne’ebé sai hanesan jestaun tempu nian nó husi kilómetru atu hodi hala’i liu husi área espesiál sira.

Iha obstákulu oioin, hahú husi mota, dalan kurva, tahu, rai-ku’ak ba to’o animál, maibé sira konsege hasoru duni obstákulu hirak ne’e ho susesu nó di’ak liu tan tanba la hetan insidente. Nó iha ona Dili, nó iha meta finál mak partisipante hothotu sente sensasaun atu bele manan!

Klasifikasaun finál ba eventu ne’e fó sai ohin kalan, iha serimónia haan kalan ne’ebé oferese husi TLA ba partisipante hothotu. Iha dezezu ne’ebé bot nó hanesan saida mak ita hein hela, ho satisfasaun nó sentimentu orgullu bot mak ekipa hirak ne’ebé manan, sa’e bá pódiu hodi simu taça ne’ebé merese duni ba sira atu hetan, husi Dr. João Gonçalves, nu’udar Ministru Ekonomia nó Dezenvolvimentu ninia liman.

Hanesan organizasaun ida ne’ebé mak hala’o ona eventu ne’e, partisipante hothotu haktuir katak to’o ona tempu atu hetan dezafiu oioin nó prontu atu bele iha konfiansa nó dedikasaun, hodi hasoru obstákulu husi rotas de Timor-Leste!.

Textu: Joana Custóias

Foto: Raquel Baptista Leandro

Tradusaun: Joana Mota


Comentários

Critério de publicação de comentários