Pájina aktualizada iha 14:16h, kinta-feira 27 Abril

Aprende Tétun no Portugés ho Kari Matenek

24 de Março de 2012, 20:51

Kari Matenek (katak Espalhar o Conhecimento ho dalen portugés) hanesan programa ho héneru hanesan ida ne´é ba dahuluk ke destina ba públiku infanto-juvenil ida. Ho parseria entre Instituto Português de Apoio ao Desenvolvimento (IPAD) Rádio e Televisão de Timor-Leste (RTTL), no produtora Crockfaek no Rádio Televisão Portuguesa (RTP), objetivu mak hakarak atu haforsa dalen ofisial rua ne´é íha rai-laran, Tétum no Portugés. No atensaun katak aula sira kontinua to´o antes telejornal hahu tuku 20.00.

Ita íha tinan 2010 no hahu inísiu ba dékada foun ida, mosu pasu bo´ot konaba inovasaun ba RTTL rasik. Ideia ne´é hahu husi halo rekruta joven ba formasaun íha área jornalismu (TV no Rádio) hanesan mos ho íha produsaun konteúdu no komponente téknica, buat hotu RTP mak halo. No íha buat sira ne´é hot unia klaran mosu programa infantil ne´é.

“Kari Matenek mai husi parseria ida entre IPAD, RTP (parseiru tékniku), RTTL no produtora Crockfaek. Ideia orijinal mai duni husi produtora. Púlbiku infanto-juvenil mak sai hanesan ami-nia alvu principal no ida ne´é hakat ba hasoru ho projetu ba reforsa dalen oficial, atu íha konteúdu informativu ka programasaun nian,” explika tuir Koordenadora ba Projecto de Apoio à Comunicação Social, Sofia Martins.

Kadernu, Lápis, Asaun! Anita no Atino íha ar

Hatudu tiha ona desde loron 19 Marsu liu ba, “Kari Matenek” hetan reasaun diak tebes husi parte telespetador sira. Diretor ba programasaun RTTL, Rosário Martins Maia konfirma tuir.

“Há´u simu telefonema balun ke hatete mai ha´u katak labarik-oan sira kalan kalan hein atu haree programa ne´é, antes telejornal. Sira barak mak íha ona televizaun oin kaer ho kadernu, lapiseira no hakerek tuir buat hotu ke Atino no Anita [boneku animadu rua ne´é] hatete ba dadaun.”

Parte manipulasaun no lian ba boneka, filmajen, gia no tradusaun monu ba joven Timor-oan na´in tolu husi RTTL nia kabaas.

Almério dos Santos, Betty Carvalho no Nina Gomes lahatudu sira-nia oin, maibe hatudu lian no liman lorloron íha Timor-oan sira nia uma laran.

“Ida ne´é hanesan experiénsia diak ida no kapaas tebes tambá transmiti koñesimentu ba ita-nia labarik-oan sira,” katak Nina Gomes.

Maibe sei hanoin fila fali programa ne´é destina los deit ba labarik-oan sira, entaun sala ona. “Há´u íha kolega balun ke laos Timor-oan, ke liu husi “Kari Matenek”, ba aprende tetun,” katak Sofia Martins. “Hanesan programa simples ida no sem dúvida hanesan forma divertida no fásil atu aprender,” nia kontinua.

 Timor-Leste halo parte ba CPLP maibe ba Nuno Murinello produtora ba Crockfaek ninia realidade oinseluk. “Populasaun, tuir regra jeral, lakoalia portugés,” nia hatete sem ezita.

Ho ida ne´é, mosu kedas ideia atu halo programa ensinu ida ho dalen oficial rua ne´é. Rosário Martins Maia hatete katak programa oin hanesan ne´é íha potencial bo´ot no maske foin grava deit episódiu sanulu, nia garante ninia kontinuasaun íha tinan oin mai.

Comentários

Critério de publicação de comentários