Pájina aktualizada iha 08:19h, domingu 19 Novembru

Loron Eleisaun Povu Mak sai Arbitu ba “ PARPOL”

10 de Julho de 2012, 09:32

Partidu Politiku ne´ebé mak povu fó fiar liu husi koligasaun husi partidu ki´ik ou boot presiza kria nasaun nia di´ak no dezemvolvimentu ho forsa ne´ebé ukun, mesmu minoria importante mak kria kondisaun atu timór-oan tomak bele hetan posibilidade hodi hatutan nia moris.

Bispu Deoseze Baucau Dom Basilio do Nascimento fó sai kestaun ne’e relasiona ho eleisaun Parlamentár ne´ebé povu hala´o iha Loron Sábadu (7/7) hodi ezerse ida-idak nia direitu ba partidu ne´ebé mak sira fó konfiansa atu lori nasaun ne’e ba oin.

Tuir Dom Basilio katak, forsa polítika ne´ebé manan timór hotu fó aseitasaun no fó respeitu tanba povu mak hili no diside, povu mak sai hanesan arbitu football nian, tan ne’e buat ne´ebé povu deside hotu-hotu respeitu.

“ Atu hetan maioria absoluta ou koligasaun ba governu ho forsa ne´ebé mak bele ukun masimu menoria importante mak ha´u husu atu haree rai ne’e nia di´ak, rai ne’e nia dezemvolvimentu kria kondisaun atu timór-oan ida-idak bele hetan posibilidade hala´o nia moris,” dehan Dom Basilio ba jornalista Dominggo (8/7) iha igreja Catedral Santo Antonio Baucau Hafoin Prizide Misa.

Dom Basilio hein katak pas ne´ebé mak timór-oan hotu hetan iha fulan tolu nia laran ho eleisaun rua ne´ebé povu Timor-Leste hala´o kontinua nafatin, eleisaun ne´ebé hala´o sai hanesan eskola ida atu forsa polítika sira hanorin polítika liu husi ida-idak nia opiniaun.

SAPO TL ho Suara Timor Lorosa´e

Comentários

Critério de publicação de comentários