Pájina aktualizada iha 06:10h, kinta-feira 03 Jullu

Ministra Justisa portuges dehan katak la eziste kondisaun ba kooperasaun jurídika iha Timor-Leste

06 de Novembro de 2014, 09:29

Iha komunikadu ne’ebé fó sai horisehik Ministra Justisa portugés afirma sei la kria kondisaun ne’ebé adekuadu ba polítika koperasaun iha área jurídika ho Timor-leste, hafoin halo espulsu ba juíz portugés sira iha teritóriu laran, tuir informasaun hosi Lusa.

Ministra Justisa portugés Paula Teixeira da Cruz. Tiago Petinga/Lusa
“Ministra Justisa hateten sei la kria kondisaun ne’ebé adekuada atu tuir polítika kooperasaun iha área jurídika bainhira la iha reavaliasaun dahuluk ba presupostu no regra oi-oin husi kondisaun ne’ebé lori to’o mai iha sistuasaun atuál ”, dehan Paula Teixeira da Cruz, iha komunikadu ne’ebé haruka ba ajénsia Luza.

Governu Timor-Leste, iha segunda-feira liu ba, organiza hodi hasai majistradu judisiál nain walu, portugés nain hitu no kabu-verdianu nain ida ho prazu oras 48.

Iha komunikadu ne’eb’e horisehik haruka ba Luza, ministra Justisa portugueza “hato’o ninia preokupasaun ba situasaun grave husi desizaun hirak ne’ebé refere ona no tau iha kauza ba termu baze hirak ne’ebé dezenvolve ona iha kooperasaun ne’ebé estreita iha área judisiária entre Estadu rua ne’e ”.

Iha dokumentu hanesan moos, Paula Teixeira da Cruz moos hato’o ninia “respeitu ba deliberasaun ne’ebé hetan husi Konsellu Superior Majistratura no Ministériu Públiku Portugal nian, iha sekuénsia ba desizaun sira ne’ebé foti husi Governu Timor-Leste envolve situasaun majistradu portugés sira iha teritóriu timorense”.

Iha tersa-feira, primeiru-ministru Xanana Gusmão, afirma iha entrevista ida iha Rádiu Televizaun Timor-Leste, katak ko’alia tiha ona ho Portugal kona-bá modelu kooperasaun foun iha setór Justisa no husu atu haruka péritu sira.

“Bainhira ha’u ba Lisboa ko’alia ho prezidente Tribunál de Contas no ho eis-prezidente Supremu Tribunál Justisa kona-bá modelu kooperasaun foun”, dehan Xanana Gusmão.

Nune’e moos iha tersa-feira, Konsellu Superior Majistratura (KSM) determina ona juíz nain hitu iha Timor-Leste atu fila, sira nain mak lima simu Governu timorense nia orden hodi husik hela Timor-Leste hamutuk ho prokuradór ida no antigu ofisiál PSP ida.

“Hafoin hetan kuñesimentu husi Governu Timor-Leste nia desizaun ne’ebé refere ona, KSM husu atu hasai kedas, autorizasaun konsedida ba juíz nain hitu ne’ebé iha Timor-Leste ”, órgaun ne’e komunika iha karta ne’ebé haruka ona ba ajénsia Luza, hafoin sesaun plenária.

Iha rezolusaun Governu Repúblika Demokrátika Timor-Leste, 31 outubru no publika ona iha 03 novembru, “juíz portugés nain lima” simu ona orden hodi husik hela Timor-Leste, hafoin notifikasaun, no KSM nia desizaun agora “hotu-hotu fila mai Portugal”.

Iha loron 24 outubru, parlamentu timorense aprova tiha ona rezolusaun ida hodi suspende kontratu ho funsionáriu judisiál internasionál sira “hato’o ho motivu forsa maior no nesesidade hodi proteje ho forma intolerante ba interese nasionál”.

SAPO TL ho Lusa

Comentários

Critério de publicação de comentários