Pájina aktualizada iha 05:30h, tersa-feira 12 Dezembru

Sinema maka oportunidade hodi transmiti mensajen dame nian iha Mosambike - UE

23 de Abril de 2015, 14:42

Embaixadór Uniaun Europeia (UE) iha Mosambike konsidera siklu dokumentáriu Instidoc, ne’ebé horisehik hahú iha Maputu, hanesan oportunidade  hodi transmiti mensajen dame nian ida ba mosambikanu sira, bainhira nasaun infrenta klima "volátil".



"Edisaun daruak hosi Instidoc halo parte hosi interkámbiu kulturál mundiál no konstitui oportunidade ida hodi ami transmiti mensajen dame nian ida no rekonsiliasaun ba mosambikanu sira. Ami hakarak halo iha filme maka 'Elementu Lima', ne’ebé halo ona hosi UE iha 2014, hodi apoiu manutensaun ba dame nian ne’ebé sei volátil tebes iha Mosambike", dehan horisehik ba Lusa Sven Burgsdorf, iha inaugural hosi Ciclo de Documentário Institucional.

Siklu, promove hosi asosiasaun Movimentu, Kultura no Dezenvolvimentu, sei hala’o iha Sentru Kulturál Franco-Mosambikanu no hakarak fó sai inisiativa sinematográfika institusionál sira hosi realizadór nasaun ka territóriu 12 (Mosambike, Portugal, Brazíl, Estadus Unidus, Guiné-Bisau, Indonézia, Itália, Madagáscar, Quénia, Uganda, Sara Ocidental no Timor Leste).

Hosi dokumentáriu 24 ne’ebé fó sai, metade kona-ba Mosambike no hodi aborda tema sira hanesan direitus umanus, edukasaun, empreendedorizmu no saúde, ambiente no konservasaun, agrikultura no agroindústria no kultura.

"Ami-nia intensaun maka problematiza, divulga, debate no fó solusaun ba temátika sira ne’ebé ami lori mai iha dokumentáriu sira. Institusionál hanesan ne’e iha méritu no tanba ne’e maka sai hanesan ami-nia eskolla", deklara ba Lusa Benilde Matsinhe, koordenadora Instidoc, hodi fó hanoin katak Mosambike iha tradisaun ida hodi produz filme institusionál sira iha Áfrika.

Sesaun inaugural hosi segunda edisaun siklu dokumentáriu institusionál sira ne’ebé hala’o horisehik iha Sentru Kultural Franco Mosambikanu, iha kapitál mosambikana, no ho prezensa sineasta no produtór sinema estranjeiru sira.

"Iniziativa ne’e sei hametin importánsia kultura iha sosiedade no ami hakarak halo parte iha asaun ne’e. Ida ne’e mós sai hanesan ami-nia ambisaun, valoriza elementu kulturál sira hosi povu mosambikanu", dehan ba Lusa Leandro Estrela, diretór produtora brazileira Cine Vídeo, ne’ebé  diriji dokumentáriu "Marrabenta, Som de Moçambique", hosi realizadór Victor Lopes.

Hosi ninia parte, realizadora brazileira Júlia Pá dehan ba Lusa katak inisiativa Instidoc maka importante no únika, destaka faktu hosi tema sira ne’ebé abordoadu kona-ba realidade kuotidiana populasaun país partisipante sira.

"Instidoc hanesan úniku festival ne’ebé sira serbisu de’it ho dokumentáriu sira. Ida ne’e importante tebes no louvável, sira lori tema sosiál sira no diskuti liuhosi arte. Aliás, ami komprende katak dokumentáriu sira transmiti ona iha toque artístiku", defende Júlia Pá, realizadora dokumentáriu "Pernambuco iha Batente".

Alén asosiasaun Movimentu, Kultura no Dezenvolvimentu no Sentru Kultural Franco-Mosambikanu, inisiativa ne’e apoiu hosi Instituto Nacional de Audiovisual no Cinema (INAC) Mosambike no portal SAPO.

Mosambike konsidera hanesan pioneiru iha produsaun dokumentáriu sira iha Áfrika.
Hafoin independénsia, iha 1975, Governu mosambikanu hatene katak sinema bele sai hanesan instrumentu ida ba halo difuzaun ideia rekonstrusaun nasaun no, liuhosi sistema ida hosi dokumentáriu sira ne’ebé bele halo produsaun nasionál hanaran Kuxa Kanema, insentiva produsaun no divulgasaun jéneru iha país.

SAPO TL ho Lusa

Comentários

Critério de publicação de comentários