Pájina aktualizada iha 04:24h, tersa-feira 20 Marsu

Salezianu Virgílio do Carmo da Silva mak bispu foun Dili nian

01 de Fevereiro de 2016, 08:34

Padre Virgílio do Carmo da Silva, hosi Sosiedade Saleziana D. Bosco hetan nomeasaun hosi papa Francisco hanesan bispu foun Dili nian hodi troka Alberto Ricardo da Silva, ne’ebé mate iha fulan-abril 2015, haktuir Rádiu Vatikanu.

Virgílio do Carmo da Silva hetan nomeasaun hosi papa iha sábadu, iha véspera festa hosi fó omenajen ba fundadór kongregasaun nian ne’ebé komemora horisehik.

Hosi Venilale, dioseze Baukau, iha ne’ebé nia moris iha loron 27 novembru 1967. Virgílio do Carmo da Costa estuda filozofia no teolojia iha Manila.

Bispu foun Dili nian ne’e simu votu dahuluk iha loron 31 maiu 1990 no votu perpétuo iha loron 19 marsu 1997, no simu ordenasaun saserdotál iha tinan tuir fali, iha loron 18 dezembru.

Formadór Novisu sira-nian, Ekónomu ihaUma Formasaun iha Venilale no vigáriu parokiál, estuda iha Roma iha Universidade Pontifícia Salesiana no uluk hanesan Diretór D. Bosco Technical High School iha Fatumaka.

Horikedas tinan 2015 Virgílio do Carmo da Silva hanesan Provinsiál Salezianu sira-nian no agora troka Alberto Ricardo da Silva, ne’ebé mate iha loron 02 abril 2015, tanba moras prolongada.

Alberto Ricardo da Silva rezigna-an hosi kargu nu’udar bispu iha loron 09 fevereiru. Nia nu’udar primeiru preladu timoroan ne’ebé mate horikedas eis-bispu Dili, Martinho da Costa Lopes nia mate, iha fevereiru 1991.

Aleinde Dili Timor-Leste iha mós diosezu rua seluk, iha Baukau, bispu mak Basílio do Nascimento no Maliana, bispu mak Norberto Amaral.

SAPO TL ho Lusa

Comentários

Critério de publicação de comentários