Pájina aktualizada iha 00:40h, segunda-feira 22 Agostu

Guterres hatete ba funsionáriu iha sede ONU katak la'ós "milagreiru"

04 de Janeiro de 2017, 21:26

Sekretáriu-jerál Nasoins Unidas, António Guterres, informa iha horisehik ba funsionáriu sira ne’ebé simu nia iha sede organizasaun katak nia sei labele halo milagre.
"Ha’u hatene katak forma hanesan  prosesu eleisaun hamosu espektativu barak. Ha’u hanoin katak di’ak liu laiha milagre no fiar katak ha’u laós milagreiru", haktuir portugés ne’e.

"Forma úniku atu atinje ita nia objetivu maka serbisu hamutuk, hanesan ekipa, no hetan direitu atu  servi valór globál ne’ebé konsagra iha Carta, maka valór ONU nian no valór ne’ebé une umanidade", nia hatutan.

Antigu primeiru-ministru portugés, ne’ebé atu ba hala’o ninia funsaun iha loron dahuluk, hato’o ba  funsionáriu sira liu sanulu resin ne’ebé hein hela iha momentu atu tama ba sede ONU iha  Nova Iorque.

"Ita labele iha iluzaun, iha infrenta  tempu ne’ebé dezafiante tebes", nia afirma, no lembra atake terrorista iha kalan pasajen tinan foun nian Istambul ne’ebé hamate ema 39.

"Bele imajina oinsa mai ha’u, ne’ebé serbisu ho ema Turkia nian enkuantu Altu-Komisáriu, nasaun hirak ne’ebé  sai  resipiente refujiadu boot liu iha mundu tomak, haree katak agora sei sai  vítima ba terrível atake terrorista", informa sekretáriu-jerál.

Halo  balansu ida ne’ebé lembra katak  númeru kiak  estrema tuun no aumenta protesaun sosiál, iha  dékada hirak ikus ne’e, Guterres nota katak "realidade dezigualdade sosiál aumenta tan".

"No iha mundu ida ne’ebé maka buat hotu sai  globál, komunikasaun sira sai globál, faktu esklui sai  insuportável liu. Ema sir abele haree hanesan moris seluk nian, bele iha prosperidade iha parte balun mundu nian. Eskluzaun ne’e hatudu no hamosu raiva no sai  fatár instabilidade ida no konflitu", nia haktuir.

António Guterres refere moos kona-ba  buat hirak ne’ebé sai ninia dezafiu boot liu iha mandatu: atake maka’as ba  multilateralizmu maihusi  polítiku nasionalista, hanesan Donald J. Trump, ne’ebé sei simu pose iha loron  20 janeiru hanensan prezidente EUA.

"Ne’e hanesan momentu ida ne’ebé maka ita tenki  afirma valór multilateralizmu. Ne’e hanesan momentu ida ne’ebé atu  rekoñese katak  solusaun  globál deit maka bele rezolve problema globál no ONU maka fatuk  bazila ba abordajen multilateral ne’e", nia afirma.

"Bainhira ita haree ba tendénsia boot mundiál nian, hanesan kresimentu populasaun no akesimentu globál, haree  problema bele sai  globál no laiha forma atu rezolve entre nasaun ho nasaun", nia hatutan.

Guterres haktuir moos katak sei labele "foti desizaun ruma hanesan garantidu" no  sentimentu hirak ne’e" lahalo tuir hosi ema barak iha mundu."

"Ita haree iha nasaun barak kresente divizaun entre opiniaun públiku, governu no klasse polítika. Nomós ita haree parte barak liu iha mundu,  relasiona ba organizasaun  internasionál hanesan  ONU, resisténsia no setisizmu kona-ba  papel ne’ebé  ONU bele hala’o ", haktuir  susesór Ban Ki-moon ne’e.

Tanba ne’e, nia esplika, katak  funsionáriu organizasaun tenki  orgullu ho sira nia serbisu no "rekoñese sira nia pretasaun " hodi  hadi’a kualidade  vida ema nian iha mundu tomak.

"Ita mós presiza rekoñese ita la hetan susesu, iha nia falla, no rekoñese situasaun ne’ebé maka ita la konsege ajuda, tuir loloos, ba ema hirak ne’ebé ita preokupa", nia haktuir, hatudu sala sira, hanesan exemplo, iha rezolusaun konflitu no manutensaun ba dame.

Liuhosi mensaje ne’ebé dirije ba organizasaun no ninia kolaboradór sira, António Guterres refere moos kona-ba reforma institusionál ne’ebé  hakarak  implementa.
 
"Ita tenki sai hosi kolete burokrasia ne’ebé halo ita nia vida sai susar iha buat barak ne’ebé ita halo", hatete nia.

"Tempu hirak ne’e sai dezafiante. Maibé ita presiza hatene katak lasufisiente halo buat loos. Ita tenki iha manán dereitu  atu halo buat ida loos. No ida ne’e buat ida ne’ebé, ita tenki presiza serbisu hamutuk", nia afirma.
 
SAPO TL ho Lusa

Comentários

Critério de publicação de comentários