Pájina aktualizada iha 18:22h, segunda-feira 20 Novembru

Indonézia kria ajénsia governamentál kontra notísia bosok

06 de Janeiro de 2017, 10:11

Indonézia sei kria ajénsia ida atu kontrola notísia bosok sora, iha  segimentu ba torrente informasaun sala  ne’ebé koloka iha rede sosiál, inklui ida hosi Xina semente envenenadu fa’an iha supermerkadu.


" Liberdade espresaun hanesan direitu iha demokrasia, maibé moos iha obrigasaun atu obedese  ba lei", esplika ministru Seguransa Wiranto, konfirma kona-ba informasaun ne’ebé fó sai ba AFP hosi  portavós Prezidente Indonézia no kritika notísia "difamatóriu, bosok, sala ne’ebé espalla ódiu".

Ajénsia foun ne’e sai moos hanesan tarefa protesaun ba instituisaun hosi posibilidade atake  pirata informátiku.

Iha Indonézia, Nasaun ida ho abitante millaun  225, estima ho millaun 130 liga ba rede sosiál, urjente tebes atu kriasaun ajénsia ne’e, tuir autoridade sira.

Notísia ne’e mosu hafoin, iha dezembru, mosu  sirkulasaun notísia bosok ida ne’ebé hatete katak Xina  intenta funu biolójiku ida hasoru Indonézia, iha segimentu notísia verdadeiru ne’ebé konta katak xinés na’in haat hetan  prezu tanba uza  pimenta nia fuan infeta ho baktéria ida iha kinta sul Jakarta nian.

Proliferasaun notísia bosok sai hanesan  kestaun globál, ho krítiku balun sujere atu  torrente informasaun espalla sala iha rede sosiál bele ajuda bilionáriu norte-amerikanu Donald Trump manán eleisaun prezidensiál Estadus Unidus, maka realiza iha novembru liubá.

SAPO TL ho Lusa

Comentários

Critério de publicação de comentários