Pájina aktualizada iha 03:15h, segunda-feira 28 Marsu

Governu timoroan aprova medida sira hodi hapara violénsia grupu arte marsial sira

10 de Janeiro de 2017, 20:01

Governu timoroan aprova ona proposta lei ida ne'ebé hakarak hapara violénsia hosi grupu arte marsial sira, ne'ebé hamosu beibeik problema pontual sira iha Timor-Leste, no uzu ba arma sira ne'ebé uza iha insidente oioin.


Proposta lei aprovadu iha sesaun loron-sesta hosi Konsellu Ministru sira nian, tuir esplika hosi komunikadu ida ne'ebé fó sai hosi Governu iha loron-tersa ne'e, abranje liu ba krimi sira halo rama ambon, importasaun, transporte, fa'an, tranferénsia ka lori rama ambon.

Rama Ambon - arma sira ne'ebé uza iha fatin oioin iha arkipélagu indonéziu, inklui iha Ambon - hanesan espésie fisga ida ne'ebé bele lansa rama no lámina sira no uza ona hosi joven sira iha pelumenus kazu 20 resin iha tinan liubá, iha kazu ida halo joven na'in ida mate.

Alerta internu ida hosi misaun ONU nian iha Díli, ne'ebé fó sai iha fulan-Juñu tinan liubá, refere ona katak rama ambon uza ona hosi joven sira ne'ebé foun hahú hasoru ema sira ne'ebé la'o no hosi grupu rival sira arte marsial nian.

Iha avizu ne'e ONU rekomenda ona atu foti prekausaun adisional sira iha zona balun iha kapital.

Iha tinan liubá uzu hosi arma ne'e aas tebes nune'e iha Hospital Nasional Guido Valadares, iha Díli, iha pelumenus sala rua nakonu ho rama sira ne'ebé hasai hosi pasiente sira ne'ebé tama iha unidade ne'e ho balun iha kanek todan.

Aleinde fó kastigu loloos ba rama ambon sira, proposta lei ne'ebé Governu aprova fó kastigu mós ba "Utilizasaun arma sira ne'ebé iha lámina hodi halo asaun krimi sira no asaun ilegal sira arte marsial sira no ritual sira nian".

Tuir Governu, "lei sei hala'o ba asaun arte marsial sira, ho tinan 2008, la permiti kriminaliza ho dalan di'ak liu asaun sira relasionadu ho arte marsial sira bainhira asaun sira ne'e la akontese tuir dalan legal sira".

Tanba ne'e, tuir esplikasaun hosi ezekutivu, "importante hametin prinsípiu sira hosi orden públiku nian no respeitu ba direitu sira, liberdade sira no garantia ba sidadaun sira".

Konfrontu entre grupu rival sira arte marsial nian hamosu beibeik problema pontual sira iha Timor-Leste no sai hanesan responsável ba destruisaun hosi propriedade sira no ema barak mate no kanek ona.

Kazu ne'ebé foin akontese lalais, halo ema na'in ida mate, akontese iha Díli iha fulan-Novembru nia rohan, envolve elementu sira hosi pelumenus grupu arte marsial tolu, 77, ne'ebé iha forsa partikular iha bairu Bebonuk, no Kera Sakti ho PSHT (Persaudaraan Setia Hati Terate).

Iha fulan hirak ikus ne'e mosu beibeik iha rede sosial sira vídeo sira ne'ebé hatudu konfrontu sira entre elementu hosi grupu rival sira arte marsial nian, iha Timor-Leste no mós iha Irlanda, ne'ebé hanesan nasaun imigrasaun ne'ebé iha joven timoroan sira ne'ebé moris iha Timor-Leste.

Konfrontu sira ne'e hamosu ona alerta hosi autoridade irlandés sira ne'ebé tenki partisipa iha kazu balun, kaer no lori timoroan balun ba julgamentu.

PSHT harii iha Java Oriental, iha Indonézia, iha tinan 1922, agora daudaun iha membru liu millaun ida resin iha nasaun ne'e, nune'e mós elementu sira iha Malázia, Singapura, Holanda, Fransa no Portugal, no iha fatin seluk tan.

Iha Timor-Leste, PSHT to'o iha tinan 1983, organizasaun ne'e iha ona "guru", instrutór sira ne'ebé graduadu liu, hamutuk na'in 3.500 resin, ho membru hamutuk rihun 30 resin namkari iha nasaun tomak. Korka no Kera Sakti iha apoiante rihun resin.

ho Lusa

 


Comentários

Critério de publicação de comentários