Pájina aktualizada iha 08:12h, domingu 18 Dezembru

Mosambike asina ona Akordu ba Fasilitasaun Komérsiu iha ámbitu OMC nian

11 de Janeiro de 2017, 01:04

Mosambike ratifika ona Akordu ba Fasilitasaun Komérsiu nian, sai nune'e membru ba dala 105 hosi Organizasaun Mundial Komérsiu (OMC) nian ne'ebé maka adere no hela de'it Estadu haat maka presiza asina hodi nune'e akordu ne'e bele hahú hala'o.


"Akordu aseitasaun Mosambike nian haruka ba OMT iha loron 06 Janeiru, no sai hanesan Estadu 13 ne'ebé ladún dezenvolvidu ne'ebé maka halo; ACF [TFA - Trade Facilitation Agreement, iha lian inglés] sei hala'o bainhira membru barak hosi OMC aseita akordu ne'e tuir dalan formal", hakerek iha nota ida ne'ebé tau iha site TFA nian.

TFA hanesan akordu ida ne'ebé hakarak hamenus folin sira hodi halo komérsiu internasional, ne'ebé bele tuun entre 12,5% to'o 17,5%, ho baze hosi pájina organizasaun nian ne'ebé regula komérsiu mundial.

"TFA iha potensial boot hodi hamenus folin sira tranzasaun nian, aumenta nune'e troka komersial sira no aumenta rendimentu mundial", hatete hosi organizador sira no fó hanoin katak estudu ida hosi Organizasaun ba Koperasaun no Dezenvolvimentu Ekonómiku (OCDE) konklui ona katak exportasaun hosi nasaun sira iha dezenvolvimentu bele aumenta entre 14 no 22% no hanesan diversifikadu liu.

TFA lansa formal iha loron 22 Jullu 2014 hosi diretor-jeral OMC nian, Roberto Azevêdo, no hahú halo operasaun iha loron 27 Novembru iha tinan hanesan, bainhira membru sira inklui ona regulamentu iha akordu jeral hosi funsionamentu OMC nian.

ho Lusa

 


Comentários

Critério de publicação de comentários