Pájina aktualizada iha 08:08h, domingu 18 Dezembru

Tribunal Distrital Díli iha prosesu 2.400 resin ne'ebé suspensu iha finan 2016

11 de Janeiro de 2017, 20:44

Tribunal Distrital Díli iha, to'o tinan 2016 nia rohan, prosesu hamutuk 2.427 ne'ebé suspensu hosi julgamentu, barak liu (2.323) iha ligasaun ba prosesu sira krimi nian, haktuir hosi informasaun ne'ebé responsável judisial sira fó sai ba jornalista sira.


Maria de Fátima, sekretária judisial hosi TDD, esplika ona katak iha prosesu-krimi sira ne'ebé suspensu hamutuk 1.910 iha inísiu tinan 2016 tau hamutuk, durante tinan ida nia laran, prosesu seluk hamutuk 1.953, hodi halo volume ida hamutuk 3.863.

"Tribunal konsege ona halo julgamentu no prosesa prosesu-krimi sira hamutuk 1.540 hela de'it nune'e prosesu suspensu sira hamutuk 2.323", nia esplika.

Nia hatete katak iha kazu hosi prosesu sira direitu sivil nian iha hamutuk prosesu 104 maka suspensu.

ho Lusa

 


Comentários

Critério de publicação de comentários