Pájina aktualizada iha 19:43h, segunda-feira 24 Jullu

Ezekusaun orsamental loloos iha Timor-Leste maka 82,8% iha final 2016

11 de Janeiro de 2017, 21:32

Ezekusaun orsamentu loloos (pagamentu ne'ebé halo duni) hosi konta públika timoroan nian to'o loron 31 Dezembru 2016 maka 82,8% haktuir hosi informasaun hosi Portal Transparénsia Ministériu Finansa nian ne'ebé maka konsulta hosi Lusa.


To'o loron ikus tinan nian, ezekutivu halo duni pagamentu ho folin dolar millaun 1.617,6, hosi total orsamentu ida hamutuk dolar millaun 1.952,9.

Ezekusaun total, ne'ebé tau hamutuk pagamentu efetuadu ho obrigasaun sira (kontratadu maibé seidauk selu) maka dolar millaun 1.710 ka 87,6%, haktuir hosi informasaun hanesan.

Iha kazu reseita sira nian (la'ós petrolíferu) informasaun hosi Portal Transparénsia konfirma folin kuaze aas liu duké previstu iha Orsamentu ba tinan 2016.

Reseita sira ne'ebé akumula durante tinan tomak maka dolar millaun 211, 68 ka 23,5% aas liu hosi millaun 171,42 ne'ebé orsamentadu.

ho Lusa

 


Comentários

Critério de publicação de comentários