Pájina aktualizada iha 02:54h, kinta-feira 20 Outubru

Xina ladún sosa petróleu iha Angola

11 de Janeiro de 2017, 22:46

Xina mantén iha fatin dahuluk entre destinu hosi esportasaun angolanu sira iha trimestre daruak 2016 nian, maibé ladún sosa petróleu iha Angola, tuun ba 35% iha total.


Tuir dokumentu estatístiku hosi komérsiu externu iha trimestre daruak, hosi Institutu Nasional Estatístika (INE) angolanu nian ne'ebé fó sai de'it iha fulan ne'e no ne'ebé maka Lusa iha asesu, Xina halo kompras iha Angola - liuliu petróleu - ho folin kwanza billiaun 432,5 (euro biliaun 2,4).

Hanesan diminuisaun ida 1% hasoru trimestre anterior no diminuisaun 12,1% ho baze iha períudu hanesan maibé iha tinan 2015.

Aleinde ne'e, Xina reprezenta todan ida ho 35% hosi fa'an angolanu tomak nian ba estranjeiru, bainhira iha trimestre anterior sosa kuaze metade hosi esportasaun sira nasaun ne'e nian.

Iha lista hosi destinu esportasaun angolanu sira nian mosu hafoin Bahamas, ho kuota ida 13,8% no Índia ho todan ida 6,4%.

Portugal la halo parte hosi grupu nasaun 10 ne'ebé sosa liu iha Angola, la hanesan ho trimestre anterior sira.

Iha kampu kontráriu, Estadus Unidus lidera fa'an ba Angola entre Abril ho Juñu, ho folin kwanza millaun 71.499 (euro millaun 409), influensia hosi sosa aeronave ida ba Boeing hosi estatal TAAG.

Portugal tama iha pozisaun daruak iha orijen hosi importasaun angolanu sira, ho kuota total 11,3%, halakon Xina ne'ebé nia fa'an ba Angola tuun ba todan 10% iha trimestre daruak 2016 nian, tuir dokumentu INE nian.

ho Lusa

 


Comentários

Critério de publicação de comentários