Pájina aktualizada iha 05:25h, segunda-feira 28 Marsu

EUA klasifika grupu indonéziu hanesan organizasaun terorista

11 de Janeiro de 2017, 23:00

Estadus Unidus klasifika ona rede radikal indonéziu ne'ebé responsável ba atake ida iha Jakarta hanesan grupu terorista ida no fó sai ona kastigu ba militante na'in haat, tentativa ida hodi interompe rekrutamentu Estadu Islámiku nian iha Austrália no iha sudeste aziátiku.

Anúnsiu ne'e halo hosi departamentu sira Estadu no Tezouru nian no mosu hafoin polísia sira hosi Austrália no Indonézia impede ona atake sira ne'ebé inspiradu iha Estadu Islámiku, ne'ebé planeia ba époka natal nian.

Departamentu Estadu norte-amerikanu hatete iha loron-tersa katak dezigna ona grupu Jamaah Ansharut Daulah, afiliadu hosi Estadu Islámiku, hanesan grupu terorista ida. Kalkula katak nia militante sira sai hanesan responsável ba atake ida iha fulan-Janeiru tinan 2016 iha kapital indonéziu ne'ebé oho ema na'in ualu, inklui atakante sira.

Tezouru norte-amerikanu fó sai ona kastigu finanseiru sira hasoru australianu na'in rua, sira ne'ebé antes deskonfia mate iha Médiu Oriente, no ema indonéziu na'in rua, ida agora kaer ona iha Indonézia.

ho Lusa

 


Comentários

Critério de publicação de comentários