Pájina aktualizada iha 16:20h, segunda-feira 24 Abril

Divulgasaun lian portugés iha Timor-Leste presizau solusaun kriativu liután

15 de Fevereiro de 2017, 01:33

Esforsu hodi divulga lian portugés iha Timor-Leste hasoru diverjénsia entre "hakarak halo no kapasidade hodi halo", husu tan solusaun sira kriativu liután ba problema, hatete hosi primeiru-ministru timoroan ba Lusa.


"Ema hotu hakarak atu lian portugeza iha divulgasaun iha nasaun tomak no la'ós de'it líder sira. Bainhira ita ko'alia ho família sira, sira hakarak. Maibé ami laiha kapasidade hodi halo", Rui Maria de Aráujo hatete iha entrevista ida ba Lusa iha okaziaun ba tinan daruak hosi nia loron simu pose, ne'ebé selebra iha loron-kinta.

Rui Araújo refere katak iha de'it eskola referénsia nasaun nian (CAFE) hamutuk 13 - sentru eskolar ida iha munisípiu ida ne'ebé maka hanorin hosi profesor portugés no timoroan sira - hamosu ona "problema lojístiku boot", nune'e presiza hetan "dalan kriativu sira liután".

Maski kuaze totalidade hosi líder timoroan sira defende reforsu hosi ensinu portugés nian, iha prátika falta rekursu humanu no tékniku sira no susar sira iha parte plurilinguista iha Timor-Leste hamosu susar iha aplikasaun prátika hosi objetivu ne'e.

Asuntu ne'e sai nafatin hanesan debate regular sira, hamosu tensaun polítiku no sosial balun no halo polítika oioin hetan protestu hosi área sira sosiedade nian.

Rui Araújo defende ona entendimentu Estadu "tomak" kona-ba tema ne'e, hodi afirma katak "portugés mai iha sékulu barak liubá hodi hela" maibé "infelizmente la'e no la'ós hanesan lian ida ne'ebé ema timoroan sira ko'ali no komprende".

"Tenki hetan dalan sira hodi bele hetan ambisaun ne'e. Ami hakarak, maibé ami nia kapasidade maka limitadu tebes", nia refere no afirma katak konkorda ho deklarasaun sira ne'ebé halo foin lalais ne'e hosi sekretáriu Estadu Negósiu Estranjeiru no Koperasaun (SENEC) portugeza nian, Teresa Ribeiro, iha Díli, ne'ebé defende ona revizaun ida hosi koperasaun iha área ne'e.

Tenki aposta liután iha formasaun hosi profesor sira iha Timor-Leste ka iha Portugal. Tanba ami nia eskola públika sira (…) la hanorin iha lian portugés no atu halo presiza liután profesor sira. Sira iha kuríkulu iha lian portugeza, material iha portugés maibé ami nia profesór sira uza lian tétun hodi hanorin no la'ós portugés", Rui Araújo hatete.

Teresa Ribeiro defende ona durante nia vizita ihaa Díli iha fulan ne'e katak presiza eziji liután iha área ne'e ba Portugal, maibé mós ba Timor-Leste, ne'ebé dalaruma la hatán ho "kompromisu loloos ida" iha área ne'e.

"Buat ne'ebé ha'u haree ona no haree daudaun maka - maski ema timoroan sira haree esforsu boot ida no interese iha lian portugeza -, karik iha serbisu ne'ebé maka ita halo daudaun, dalabarak ho vontade di'ak ida, dalaruma laiha kompromisu loloos hosi parte timoroan nian, tenki haree ho dalan seluk", nia hatete.

Apoiu ba área edukativu no liuliu ba ensinu lian portugés hanesan liña prinsipal ida hosi programa alargadu hosi koperasaun bilateral Portugal ho Timor-Leste, destaka apoiu ho profesór na'in 140 ba eskola sira referénsia nian, ohin loron koñese hanesan Centros de Aprendizagem e Formação Escolar (CAFE).

Rui Araújo konsidera ona katak maski iha sinal pozitivu sira, hanesan aumentu hosi númeru sira ba joven sira ne'ebé sai hosi sekundáriu no konsege "ko'alia mínimu iha portugés".

Entre "solusaun kriativu sira", Rui Araújo admiti ona haree "méritu balun" iha rekursu ba polémika hosi opsaun lian inan, alternativu ne'ebé bele iha utilidade hodi fó "kapasidade literasia no numerasia ba labarik sira" ne'ebé hafoin ne'e bele "iha oportunidade ba aprendizajen" hosi lian ofisial sira, tétun no portugés.

Nia fó ezemplu no kestiona hanesan ne'e labarik ida ne'ebé moris iha Lospalos, iha ponta leste nasaun nian no ko'alia de'it fataluku, lian lokal ida: "Oinsá maka hanorin abesedáriu iha lian portugés bainhira laiha ema ida iha família ko'alia portugés".

Primeiru-ministru konsidera hanesan alternativu maka hatama abesedáriu uza fataluku hanesan lian instrusaun nian "hodi entende di'ak abesedáriu no númeru sira" no hafoin entende ne'e maka "hahú hanorin lian, ensinu ho portugés no tétun".

Xefe Governu konsidera ona katak estudu sira ne'ebé halo kona-ba asuntu ne'e iha Timor-Leste "la konsege konvense" no presiza debate liután, tanba opsaun ne'e "la'ós hanesan ódiu ba lian portugeza" no bele sai hanesan alternativu ida "di'ak no efisiente".

ho Lusa

 


Comentários

Critério de publicação de comentários