Pájina aktualizada iha 05:31h, segunda-feira 28 Marsu

Tribunál Rekursu timoroan valida kandidatura na’in ualu ba eleisaun prezidensiál loron 20 fulan-marsu

15 de Fevereiro de 2017, 16:10

Tribunal Rekursu Timor-oan valida kandidatura  prezidensiál loron 20 fulan-marsu no sei realiza iha kinta-feira ne’e sorteiu hodi fahe naran iha boletin votu, hatete ba Lusa fonte instituisaun nian.
Kandidatura - menus lima duké aprezenta iha  eleisaun prezidensiál 2012 – submete ona ba Tribunal Rekursu entre 23 janeiru no 05 fevereiru, loron ikus hosi prazu ne’ebé prevé iha kalendáriu eleitorál maka aprova ba votasaun loron 20 fulan-maiu.

José Neves, eis-komisáriu Komisaun Antikorrupsaun (KAK), sai hanesan ema ne’ebé primeiru aprezenta ninia kandidatura ba tribunál (23 janeiru), hafoin liu loron rua Amorim Vieira, timor-oan ida ne’ebé moris iha Eskósia no sai militante Scottish National Party iha East Killbridge.

Loron 01 fulan fevereiru aprezenta kandidatura António Maher Lopes (apoiu hosi Partidu Sosialista Timor) iha loron 03 aprezenta kandidatura  Ângela Freitas, atuál prezidente Partidu Traballista (PT) no António da Conceição, ministru Edukasaun, apoiu hosi Partidu Demokrátiku (PD).

Iha loron 04 entrega dokumentasaun kandidatura Francisco Guterres iha tribunal (Lu-Olo), prezidente Fretilin no eis-prezidente Parlamentu Nasionál.

Ikus liu iha domingu, loron 05, entrega kandidatura José Luis Guterres, eis-ministru Negósiu Estranjeiru no atuál deputadu Frente Mudansa (FM), no Luis A. Tilman.

Iha kazu balun Sekretariadu Tékniku Administrasaun Eleitorál (STAE) afirma katak mosu irregularidade iha asinatura sira ne’ebé rekolla, no fó ona tempu hodi korriji kandidatu sira.

Lei ezije kada kandidatu pelumenus iha asinatura 5.000 hosi 100 kada timor-oan iha munisípiu 13.

Períodu kampaña ba eleisaun prezidensiál sei hala’o entre loron 03 no 17 fulan marsu, no votasaun sei realiza iha loron 20 fulan marsu ho eskrutíniu provizóriu rezultadu tenki konkluí entre loron 23 no 25 fulan marsu.

Eleisaun prezidensiál tenki iha meza votasaun 941 iha sentru votasaun 693, ne’ebé sei obriga kontrasaun liuhosi funsionáriu rihun 10 ba akompañamentu eleitorál.

Sei kontratu 'brigada' 693  - responsável ida kada sentru votasaun - no 9.410 ofisiál eleitorál, sanulu ba kada  meza votasaun ida.

SAPO TL ho Lusa

Comentários

Critério de publicação de comentários