Pájina aktualizada iha 00:44h, segunda-feira 22 Agostu

Reinu Unidu hametin siber-seguransa no hakarak envolve área privadu

17 de Fevereiro de 2017, 01:43

National Cyber Security Centre konvida ona empreza sira hos área privadu hodi kolabora iha defeza sibernétiku iha Reinu Unidu. Iha fulan tolu ikus ne'e rejista ona atake hamutuk 188 ba estrutura sira nasaun nian.


Iha semana ne'e, loke ona, iha Londres, sentru nasional foun ida siber seguransa nian (NSCS iha lian inglés) Reinu Unidu nian no, hafoin inaugurasaun ofisial hosi Liurai-Feto Isabel, responsável sira hosi sentru konvida ona empreza sira hosi área privadu hodi "treina no kolabora" iha defeza sibernétiku, hatete hosi Reuters. Unidade ne'e lansa iha fulan-Outubru no agora hatene ona nia sentru operasaun foun sira, iha sentru Londres nian.

Inisiativa “NSCS Industry 100” hakarak dada ema sira hosi indústria hodi "identifika ameasa sira, frakeza sira no dezenvolve konsellu sira hodi kombate hasoru atake sibernétiku sira". Diretor Ciaran Martin afirma katak Reinu Unidu sai ona hanesan vítima hosi atake sibernétiku hamutuk 188 iha de'it fulan tolu ikus ne'e.

Lockheed Martin sai hanesan empreza dahuluk ida ne'ebé hatán ba pedidu kolaborasaun nian no fó sai ona katak sei lansa "programa ida serbisu-estudu nian" ne'ebé destina ba estudante sira ne'ebé tama iha universidade.

Nia explika ba Reuters katak National Cyber Security Centre halo parte hosi investimentu ida ho folin libra biliaun 1,9, besik euro biliaun 2,23, no nia objetivu maka aumenta defeza sibernétiku sira Reinu Unidu nian.

Fonte: SAPO Tek

 


Comentários

Critério de publicação de comentários