Pájina aktualizada iha 19:51h, kuarta-feira 18 Outubru

Filipe Nyusi enkoraja nasaun CPLP atu promove respeitu ba direitus umanus

17 de Fevereiro de 2017, 11:18

 Prezidente mosambikanu, Filipe Nyusi, iha horisehik enkoraja  ba Komunidade Nasaun Lian Portugés (CPLP) atu  promove respeitu ba direitus umanus, kombate ameasa ba vida no liberdade fundamentál.
Nyusi fó sai apelu ne’e iha abertura ba Semináriu Internasionál dahuluk hosi  Rede Provedór Justisa no Komisaun Nasionál ba Direitus Umanus CPLP, ne’ebé hala’o ho lema "O papel dos Provedores de Justiça e Comissões Nacionais dos Direitos Humanos na garantia da boa governação".

" Tanba ne’e, presiza, , reflexaun profundu ida oinsa garante direitus umanus, liliu, direitu ba vida no liberdade fundamentál ba Ema ", deklara xefe Estadu mosambikanu.
Sidadaun nasaun CPLP, haktuir  Filipe Nyusi, tenki  moris sein kualkér dúvida  atu Estadu  assegura sira nia direitu universál.
 
"Ho nune’e, hakarak apela atu  esplora plataforma hodi  reflete kona-ba oinsa garante redusaun ba krime, inklui krime organizadu ho ninia forma oioin iha ita nia nasaun", hatutan Nyusi.

Iha deklarasaun ba jornalista sira, Provedór Justisa Mosambiké, José Abudo, aponta kona-ba atu fahe  esperiénsia no kooperasaun iha área formasaun hanesan objetivu balun hosi reuniaun ne’e.

Kona-ba kazu mosambikanu, kontinua Abudo, Provedór Justisa hasoru difikuldade relasiona ho falta reprezentasaun lokál, ne’ebé limita abranjénsia ninia atividade.

"Tanba ne’e, Mosambiké sei iha progresu relasionamentu entre administrasaun no administradu, hanesan  reforsu ba konfiansa iha servisu públiku ba Estadu no mekanizmu fiskalizasaun ba aktu administrasaun, dalan essensiál ba defeza direitu, liberdade no garantia sidadaun", deklara Provedór Justisa mosambikanu.

SAPO TL ho Lusa

Comentários

Critério de publicação de comentários