Pájina aktualizada iha 03:15h, segunda-feira 28 Marsu

Tribunál Rekursu timoroan sorteia aliñamentu iha boletim votu ba prezidensiál

17 de Fevereiro de 2017, 15:36

Prezidente Tribunál Rekursu timoroan iha ohin sei hala’o  sorteiu tuir ordein kandidatu na’in ualu ba eleisaun prezidensiál 20 fulan- marsu ne’ebé sei sai iha boletin votu, liuhosi  serimónia badak ida ne’ebé  hala’o iha sede instituisaun nian.
António Maher Lopes, kandidatu independente ne’eb’e hetan apoiu hosi  Partido Socialista de Timor (PST), hanesan naran dahuluk iha boletim votu, tuir  Francisco Guterres (Lu-Olo), prezidente Fretilin no eis-prezidente Parlamentu Nasionál ( ne’eb’e konta ho  apoiu hosi partidu boot timoroan nian, CNRT).

Iha fatin datoluk okupa hosi Amorim Vieira – timoroan ida ne’ebé hela iha Eskósia no sai militante hosi  Scottish National Party em East Killbridge -, iha fatin dahaat  mosu  eis-komisssáriu antikorrupsaun José das Neves  no kintu eis-ministru Negósiu Estranjeiru no atuál deputadu Frente Mudança (FM), José Luis Guterres.

Ho sestu iha boletin votu maka feto
úniku ne’ebé  aprezenta hanesan kandidata, Ângela Freitas, prezidente  Partido Trabalhista (PT), tuir mai iha fatin dahitu Luis Tilman, ida seluk seidauk hatene.

António da Conceição, ministru Edukasaun, apoiu hosi  Partido Democrático (PD), taka boletin votu.

Sorteiu ne’e hala’o hosi prezidente Tribunál Rekursu, Guilhermino da Silva, ho prezensa hosi  reprezentante kandidatura sira, korpu diplomátiku no sosiedade sivil.

Períodu kampaña ba votu prezidensiál realiza  entre 03 to'o 17 fulan-marsu, votasaun hala’o iha  20  fulan-marsu no eskrutíniu provizóriu hosi  rezultadu tenki konklui entre 23  to’o 25 fulan- marsu.

Eleisaun prezidensiál tenki iha meza  ba votu 941 hosi sentru votasaun  693, ne’ebé  obriga halo kontratasaun ba funsionáriu  liu rihun  10 hodi akompaña eleitorál.

Sei kontrata moos  'brigadista'693 - responsável ida kada sentru votasaun  - no ofisiál eleitorál  9.410, sanulu kada meza votu ida.

SAPO TL ho Lusa

Comentários

Critério de publicação de comentários