Pájina aktualizada iha 03:19h, segunda-feira 28 Marsu

Washington husu ba Pekin hodi ajuda "modera" Koreia-Norte

18 de Fevereiro de 2017, 00:09

Sekretáriu Estadu norte-amerikanu, Rex Tillerson, apela iha loron-sesta ne'e ba Xina hodi tenta "tau dalan sira hodi (…) modera" Koreia-Norte hafoin tiru foun ida misil nian, hatete hosi nia porta-vós sira.


Iha enkontru ida ho nia homólogu xinés, Wang Yi, Tillerson subliña ona aumentu perigu ne'ebé programa nuklear no misil norte-koreanu sira hamosu no husu ba Xina hodi uza dalan disponível sira hodi "modera hahalok dezestabilizadora hosi Koreia-Norte", hatete hosi Mark Toner.

Hanesan enkontru dahuluk iha ho nível aas entre administrasaun norte-amerikanu no autoridade xineza sira dezde prezidente Donald Trump simu pose no akontese iha final hosi reuniaun ida hosi Fórum G20 nian (nasaun 19 ekonomia boot mundu nian no Uniaun Europeia) iha Bona, Alemaña.

Antes, sekretáriu Estadu norte-amerikanu hatete katak nia nasaun senti "determinadu" hodi defende Koreia-Súl ho Japaun, inklui liuhosi kapasidade muda opiniaun nuklear hasoru Pyongyang.

Mísil balístiku Pukguksong-2, ne'ebé testa iha loron-domingu liubá hosi Koreia-Norte, to'o iha kilómetru 500 antes monu iha tasi Japaun nian.

Tuir porta-vós Tillerson nian, ministru na'in rua "ko'alia kona-ba esforsu sira hodi avansa ba koperasaun bilateral", maibé mós "ko'alia pontu diverjénsia sira iha espíritu konstrutivu ida".

Entre pontu diferente sira iha komérsiu, ho Estadus Unidus kritika Xina tanba hosi nia exportasaun sira hakotu ho serbisu sira iha teritóriu norte-amerikanu no evoka ona ba ameasa ba medida protesionista sira.

"Parte rua ne'e ko'alia ona kona-ba nesesidade hodi harii kondisaun justu sira ba komérsiu no investimentu sira", hatete hosi Tillerson nia porta-vós.

ho Lusa

 


Comentários

Critério de publicação de comentários