Pájina aktualizada iha 16:30h, segunda-feira 24 Abril

Defeza hosi kaben-na'in portugés ne'ebé iha Timor-Leste abdika sasin sira

15 de Março de 2017, 01:16

Juís defeza hosi kaben-na'in portugés ne'ebé hetan daudaun julgamentu iha Díli, abdika iha loron-tersa ne'e hosi sira nia sasin tanba konsidera katak Ministériu Públiku la halo ho sasin sira ne'ebé aprezenta ona prova akuzasaun balun.


Álvaro Rodrigues, advogadu ida hosi advogadu defeza na'in tolu hosi Tiago no Fong Fong Guerra nian, hatete ona iha sesaun julgamentu daruak, ne'ebé hahú iha loron 28 fulan liubá, ne'ebé defeza prepara hodi avansa ba alegasaun final sira.

Hanesan resposta, prokuradora Angelina Saldanha hatete katak prova halo parte iha dokumentu sira ne'ebé halo parte hosi auto sira, no tribunal mantén audiénsia seluk ba loron 28 Marsu, fó tan temou hodi bele aprezenta, iha prazu loron 10, dokumentasaun adisional.

Tiago no Fong Fong Guerra hetan daudaun julgamentu iha Díli tanba krimi na'ok, brankeamenru kapital sira nian no falsifikasaun ba dokumentu sira, no Ministériu Públiku deskonfia katak sira partisipa iha konspirasaun ida hodi lohi Timor-Leste ho folin dolar rihun 860.

Tuir Ministériu Públiku (MP) timoroan, Tiago no Fong Fong Guerra, karik konsentradu ba desviu osan - ne'ebé mai hosi impostu ne'ebé kobra ba empreza petrolíferu sira - ho konsultor norte-amerikanu Bobby Boyle.

Iha parte daruak sesaun nian iha loron-tersa ne'e, tribunal rona ona sasin akuzasaun datoluk no ikus, Câncio Oliveira, ne'ebé uluk hanesan diretor jeral hosi reseita no alfándega sira entre tinan 2009 no 2012, ne'ebé konfirma fali buat hotu ne'ebé hatete antes hosi sasin sira seluk.

Kuaze totalidade hosi kestaun sira afeta fali iha relasaun Boyle nian ho Ministériu Finansa no iha informasaun ne'ebé susesor - Oliveira konfirma fali katak nia la'ós funsionáriu públiku - halo negosiasaun lahó autorizasaun hosi superior timoroan sira, ho empreza petrolíferu nian.

Sesaun ne'e marka ho tensaun ruma iha momentu ne'ebé Câncio Oliveira hatán kona-ba impostu ne'ebé atrazu ne'ebé mai hosi empreza AS Geoconsulting (ikusmai absorve hosi DOF Subsea Norway SA) no ne'ebé maka Boyle halo desviu.

Oliveira hatete katak nia hanoin maka dolar rihun 975 maibé nia la hatene hatán kona-ba oinsá nia hatene folin ne'e no nia hatán de'it katak informasaun ne'e fó hosi funsionáriu ida hosi Ministériu Finansa ne'ebé nia lakohi fó sai identidade.

Defeza husu ona parte depoimentu ne'e hodi eziji katak, tanba la'ós diretu, tenki hasai hosi auto sira.

Sasin na'in tolu ne'ebé Ministériu Públiku aprezenta iha julgamentu laiha ema ida maka hatudu krimi ruma hosi akuzasaun hasoru kaben-na'in portugés ne'e no sira hotu konfirma katak la koñese arguidu na'in rua ne'e.

Sasin na'in tolu konfirma mós katak Boyle la'ós funsionáriu públiku maibé hanesan asesor internasional ida.

Determina estatutu Boyle nian - no hatene katak nia hanesan funsionáriu públiku ka la'e - bele hanesan importante ba prosesu tomak, tanba krimi na'ok ne'ebé hanesan akuzasaun hasoru arguidu sira hanesan exkluzivu ba funsionáriu públiku sira.

Kaben-na'in portugés ne'e hela iha Díli no labele sai hosi nasaun iha tinan rua resin nia laran, Tiago Guerra hela ona fulan ualu iha prizaun preventivu iha kadeia Bekora.

Julgamentu kontinua iha loron 28 Marsu.

ho Lusa

 


Comentários

Critério de publicação de comentários