Pájina aktualizada iha 03:23h, segunda-feira 28 Marsu

Ema na'in neen mate iha atentadu suisidu ne'ebé halo hosi feto joven sira iha Nijéria

16 de Março de 2017, 00:25

Pelumenus ema na'in neen mate iha loron-kuarta ne'e bainhira feto joven na'in haat halo nakfera sira nia aan iha subúrbiu sidade nijerianu Maiduguri, informa hosi autoridade sira nasaun nian.

Ajénsia Nasional ba Jestaun Emerjénsia nian informa ona katak explozaun sira, akontese iha loron-kuarta dadeer iha kapital estadu Borno, oho bombista joven na'in haat no ema na'in rua seluk, halo mós ema na'in 16 kanek.

Explozaun sira akontese besik iha Muna Garage, fatin baibain ne'ebé uza hosi grupu extremista Boko Haram iha fulan hirak ikus ne'e.

Utilizasaun ba feto joven sira sira ne'ebé simu treinu hosi Boko Haram hodi halo atentadu suisidu sai hanesan estratéjia ida hosi grupu extremista iha tinan rua ikus ne'e.

Feto joven sira hamutuk atus rua resin mate ona iha atake sira iha nordeste Nijéria nian.

Revolta hosi Boko Haram, ne'ebé hahú iha tinan hitu liubá, halo ona ema rihun 20 resin mate no hamosu ona krizi humanitáriu iha rejiaun.

ho Lusa

 


Comentários

Critério de publicação de comentários