Pájina aktualizada iha 16:20h, segunda-feira 24 Abril

Timoroan sira iha Koreia-Súl no Austrália haruka osan dolar millaun 25 ba Timor-Leste

16 de Março de 2017, 01:30

Timoroan sira ne'ebé serbisu iha Koreia-Súl ho Austrália haruka ona ba Timor-Leste dolar millaun 25,69 entre tinan 2012 ho 2016, haktuir hosi informasaun ofisial ne'ebé fó sai iha loron-kuarta.


Informasaun hosi Sekretaria Estadu ba Polítika hosi Formasaun Profisional no Empregu Timor-Leste nian (SEPFOPE) hatudu katak entre tinan 2012 ho 2016 serbisu-na'in sira ne'ebé agora iha Koreia-Súl haruka ona ba Timor-Leste osan ho total dolar millaun 22,68.

Serbisu-na'in timoroan hamutuk na'in 2.000 resin hetan benefísiu hosi programa fomentu ba serbisu iha estranjeiru ba timoroan sira ho akordu hamutuk ho Koreia-Súl no ne'ebé halo hahú 2012.

Kona-ba programa serbisu relasionadu ho estasaun iha Austrália - ne'ebé fó ba ema na'in 300 iha tinan 2016 (liu 67, 4% iha tinan anterior) - haruka osan ne'e abranje dezde tinan 2014 (millaun 8,19 hosi Koreia-Súl no millaun 1,7 hosi Austrália).

Programa serbisu tuir estasaun iha Austrália halo ho baze hosi akordu tinan 2011 entre governu nasaun rua ne'e nian, ho SEPFOPE maka hili kandidatu timoroan sira, ho baze hosi lista ida hosi ema sira ne'ebé hakarak serbisu no ne'ebé maka empregador australianu sira iha asesu.

Kandidatu sira tenki liuhosi teste ida hodi haree kapasidade fízika no hatudu kompeténsia iha uzu lian inglés, hetan kolokasaun ba períudu ida ne'ebé bele to'o fulan neen, barak liu iha área hortikultura, iha explorasaun sereal sira, ai-fuan sira no modo-tahan sira nian.

ho Lusa

 


Comentários

Critério de publicação de comentários