Pájina aktualizada iha 18:18h, segunda-feira 20 Novembru

Parlamentu mosambikanu aprova lei hodi kontrola kualidade ai-moruk sira nian

16 de Março de 2017, 01:58

Iha loron-kuarta ne'e, iha Maputo, Asembleia Repúblika Mosambike nian aprova ona Lei Ai-Moruk, Vasina sira no Produtu Biolójiku sira seluk hodi Uza iha Ema, hodi kontrola kualidade no sirkulasaun hosi ai-moruk sira.


Lei aprova ho votu konkorda hosi bankada tolu hosi Asembleia Repúblika nasaun ne'e nian, ministra Saúde hosi Mosambike, Nazira Abdula, defende pertinénsia lei nian hodi afirma katak, ho instrumentu legal, autoridade sira sei iha kondisaun hodi kombate desviu hosi ai-moruk sira hosi Sistema Nasional Saúde (SNS) nian.

"Ho lei loloos ida kona-ba kastigu sira, ami sei iha kondisaun sira hodi kombate kazu sira ba desviu hosi ai-moruk sira no sirkulasaun ai-moruk sira ne'ebé labele uza", afirma hosi Nazira Abdula.

Abdula hatete katak lei sei estabelese sistema ida garantia nian ba kualidade hosi ai-moruk sira no hametin asesu populasaun nian ba ai-moruk sira.

Iha tinan hirak ikus ne'e, autoridade sira saúde mosambikanu nian no polísia aumenta nafatin fiskalizasaun kona-ba fa'an ai-moruk iha fatin sira ne'ebé laiha autorizasaun, hanesan merkadu sira, no iha beibeik detensaun ba funsionáriu sira saúde nian tanba iha envolvimentu iha desviu ba ai-moruk sira hosi SNS.

ho Lusa

 


Comentários

Critério de publicação de comentários