Pájina aktualizada iha 12:49h, tersa-feira 17 Outubru

Timor-Leste simu enkontru Clube de Madrid kona-ba joven sira nia knaar iha demokrasia

17 de Março de 2017, 01:30

Timor-Leste sei simu, iha fulan-Maiu, enkontru rejional ida kona-ba juventude nia knaar iha demokrasia, inisiativu hosi Clube de Madrid ne'ebé xefe oioin Estadu no Governu nian hosi Ázia no Oseania sei ba Díli.


Meza-redonda kona-ba "Definisaun hosi Ajenda Demokrasia nian hosi Jerasaun Futuru ba Ázia ho Oseania" sei halo iha tempu ne'ebé sei selebra tinan 15 restaurasaun independénsia Timor-Leste nian, ne'ebé selebra iha loron 20 Maiu.

Enkontru, ne'ebé konta ho apoiu hosi Gabinete antigu Prezidente Repúblika José Ramos-Horta, ko'alia tiha ona iha reuniaun Konsellu Ministru sira nian iha loron-tersa, haktuir hosi ezekutivu iha komunikadu.

Harii iha tinan 2001 hafoin hosi Konferénsia kona-ba Tranzisaun no Konsolidasaun Demokrátiku (CDTC), halo iha Madrid, eis-xefe sira Estadu no Governu hosi nasaun demokrátiku sira hamutuk na'in 110 resin maka sai hanesan membru sira hosi Club de Madrid.

Organizasaun buka "aproveita experiénsia dahuluk hosi nia membru sira hodi ajuda nasaun sira ho elementu krítiku sira hosi nia tranzisaun ka konsolidasaun demokrátiku", refere hosi pájina web organizasaun nian.

Hanesan "grupu extraordináriu ida hosi estudiozu sira, antigu desizór polítiku sira no líder polítiku sira" ne'ebé fó "konsellu no asisténsia sira" kona-ba kestaun oioin relasionadu ho tranzisaun demokrátiku.

ho Lusa

 


Comentários

Critério de publicação de comentários