Pájina aktualizada iha 23:19h, domingu 19 Novembru

Eurodeputada portugeza sira: Votasaun lahó problema sira

20 de Março de 2017, 20:15

Eurodeputada portugeza sira ne'ebé iha Timor-Leste hodi observa eleisaun prezidensial sira, ne'ebé halo iha loron-segunda, destaka ona eleisaun ne'ebé la'o hakmatek no lahó problema sira, ho fila eleitor sira ne'ebé naruk.


Foto@ António Dasiparu /EPA

"Iha fatin ne'ebé ha'u halo observasaun buat hotu la'o ho kalma, hakmatek, no ho ema barak no sinal ne'ebé hatudu katak ema sira, maski joven sira, hatene tebes prosesu sira no hatene saida maka sira tenki halo", afirma ona hosi Ana Gomes ba ajénsia Lusa iha Díli.

Ana Gomes (PS), ne'ebé observa ona votasaun iha Díli no iha vila Liquiçá, iha oeste kapital nian, hatete ona katak iha fatin sira ne'ebé nia observa dezde hahú loke urna sira, iha tuku 07:00 dadeer oras lokal, verifika ona partisipasaun boot ida.

"Ami laiha informasaun ba kesar ruma, ba problema ruma ka defisiénsia ruma. Buat hotu la'o hakmatek, maski iha fila naruk sira", nia afirma.

Eurodeputada Marisa Matias (BE) destaka mós, liuhosi telefone hahú hosi Baucau, sidade boot daruak timoroan nian, ba normalidade iha votasaun laiha insidente ruma hosi asembleia votu sia ne'ebé nia observa.

"La'o ho di'ak lahó problema ruma", nia hatete.

Iha fatin balun, partisipasaun maka'as hahú hosi inísiu votasaun no iha fatin sira seluk, hanesan Vemasse, bainhira ekipa observasaun to'o "vota ona eleitor atus resin no hafoin ne'e laiha tan ema atu vota", nia explika.

Marisa Matias hatete katak liuhosi kontaktu ne'ebé halo to'o agora laiha ida maka hatudu preokupasaun kona-ba asaun votasaun nian. Balun hatudu laran ne'ebé la hakmatek kona-ba kontajen, nia hatutan.

José Ascenco, observador hosi Plataforma Internasional hosi Jurista sira ba Timor-Leste, destaka mós, iha deklarasaun ba Lusa, partisipasaun maka'as ho "joven barak maka vota".

Prosesu la'o lahó proble,a no lojístika "funsiona di'ak", antesipa katak, iha fatin balun, laiha ona eleitor sira antes oras taka urna nian.

Eleitor hamutuk rihun 740 resin ne'ebé rejistadu iha loron-segunda ne'e hili Prezidente foun nasaun nian entre kandidatu na'in ualu.

Urna sira taka ona iha tuku tolu loraik, oras lokal.

ho Lusa

 


Comentários

Critério de publicação de comentários