Pájina aktualizada iha 03:27h, segunda-feira 28 Marsu

Justisa brazileiru autoriza Oi fa'an operadora Timor Telecom

20 de Março de 2017, 21:08

Iha loron-sesta ne'e, juiz Fernando Viana, hosi Vara Emprezarial dahitu hosi Rio de Janeiro, aseita ona pedidu ne'ebé halo hosi brazileiru Oi hodi fa'an Timor Telecom, operadora ne'ebé atua iha Timor-Leste, ne'ebé pertense ba universu Portugal Telecom.


Revista brazileiru Valor avansa ona ho notísia, hodi asinala katak, iha fulan-Outubru tinan liubá, kompañia brazileiru simu ona proposta tolu hosi Timor Telecom, nune'e hili ona kondisaun sira ne'ebé fó hosi Investel Communications Limited, ho sede iha Dubai, no ne'ebé maka kaer hosi emprezáriu timoroan Abílio Araújo.

Investel oferese ona dolar millaun 36 no parsela ida ho dolar millaun 26 resin hodi selu empréstimu sira ne'ebé halo hosi Timor Telecom ho Oi, ho folin dolar millaun haat, no ho Portugal Telecom International Finance, ne'ebé nia folin aumenta ba dolar millaun 22.

Grupu Oi, ne'ebé aprezenta ona pedidu rekuperasaun judisial iha 20 Juñu 2016, haree juiz Fernando Viana determina katak, antes hala'o tranzasaun, sei halo avaliasaun ida hodi hametin katak folin ne'ebé oferese ba ativu ne'e loos.

Responsável nomeia ona Rio Branco Consultores hodi avalia Timor Telecom, ho empreza ne'ebé eskollidu iha direitu hodi hatete katak aseita serbisu no aprezenta nia proposta ba honoráriu sira.

Prudutu hosi fa'an ne'e sei disponível ba Justisa ne'ebé, hafoin ne'e, sei desidi destinu hosi rekursu sira ne'ebé hetan, tuir opiniaun sira hosi administrador judisial no hosi Ministériu Públiku brazileiru, konforme hatete iha sentensa.

To'o prazu limiti ne'ebé fó hosi empreza, iha loron 08 fulan-Outubru liubá, Oi simu oferta tolu "firmi no vinkulativu" hodi sosa nia partisipasaun iha Timor Telecom.

Oferta rua hosi oferta tolu hosi hosi grupu sira ne'ebé lidera hosi emprezáriu timoroan sira no ida seluk halo hosi fundu pensaun ida hosi Fiji.

Ema timoroan na'in rua ne'ebé iha interese iha negósiu maka Abílio Araújo, responsável hosi grupu Investel Communications Limited - ne'ebé iha sósiu sira no kapital hosi Médiu Oriente ho Xina - no Nilton Gusmão, hosi grupu ETO.

Iha kauza maka parte boot hosi kapital Timor Telecom nian (54,01%), ne'ebé kontrola hosi sosiedade Telekomunikasaun Públiku sira Timor nian (TPT), ne'ebé iha fatin seluk Oi kontrola 76% hosi kapital, tau hamutuk ho partisipasaun direitu ida hosi PT Participações SGPS ho 3,05%.

Asionista sira seluk hosi TPT nian maka Fundasaun Harii - Sosiedade ba Dezenvolvimentu Timor-Leste nian (ho ligasaun ba dioseze Baucau) ne'ebé kontrola 18%, no Fundasaun Oriente (6%).

Iha TT, kapital ne'e fahe entre TPT (54,01%), Estadu timoroan (20,59%), empreza ho sede iha Makau VDT Operator Holdings (17,86%) no emprezáriu timoroan Júlio Alfaro (4,49%).

ho Lusa

 


Comentários

Critério de publicação de comentários