Pájina aktualizada iha 22:51h, sabado 24 Juñu

Tribunál Rekursu konfirma ofisialmente vitória Lu-Olo nian

30 de Março de 2017, 14:48

Tribunál Rekursu Timor-Leste, hanesan instánsia judisiál bot Timor-Leste nian, ohin fó sai rezultadu ikus hosi eleisaun prezidensiál no konfirma formalmente eleisaun hosi Francisco Guterres Lu-Olo.

Foto: Ana Guterres @SAPO TL
“Kandidatu eleitu ba Prezidente Repúblika ho mandate 2017 to’o 2022 maka Francisco Guterres Lu-Olo. Ida ne’e maka rezultadu ikus hosi votasaun ba eleisaun iha 20-marsu foin daudaun”, tenik prezidente Tribunál Rekursu, Guilhermino da Silva.

Konfirmasaun hosi Tribunál Rekursu ne’e mos hakotu ona parte formál hosi prosesu eleisaun Lu-Olo nian ne’ebé manan ho votu 295.038, ka 57% iha eleisaun prezidensiál volta dahuluk.

Akórdaun badak ne’ebé lee iha sala prinsipál hosi Tribunál Rekursu ne’e, hodi fó konfirmasaun kona-ba rezultadu hosi eskrutíniu ne’ebé Komisaun Nasionál ba Eleisaun hala’o.

Ida ne’e maka hanesan rezultadu ofisiál ikus hosi votasaun nian:

- Francisco Guterres Lu-Olo, 295.038 votos (57,1%)

- Antonio da Conceição, 167.794 (32,5%)

- José Luis Guterres, 13.513 (2,6%)

- José Neves, 11.663 (2,3%)

- Luis Tilman, 11.125 (2,2%)

- António Maher Lopes, 9.102 (1,08%)

- Angela Freitas, 4.353 (0,8%)

- Amorim Vieira 4.283 (0,8%).

SAPO TL ho Lusa

Comentários

Critério de publicação de comentários