Pájina aktualizada iha 22:47h, sabado 24 Juñu

Alemaña aumenta koperasaun militar ho Angola

03 de Abril de 2017, 19:49

Alemaña bele kopera ho Angola iha misaun sira dame nian, operasaun humanitáriu sira, formasaun ba militar sira ka iha troka informasaun sira, iha ámbitu hosi akordu Defeza nian ne'ebé ratifika no publika hosi parlamentu angolanu iha fulan-Marsu nia rohan.


Akordu, ne'ebé maka Lusa iha asesu, envolve Ministériu Federal Defeza Alemaña nian no Ministériu Defeza Nasional Angola nian no hakarak "hametin diálogu bilateral maka'as ida", hodi garanti koperasaun entre nasaun rua ne'e iha "asuntu militar sira" no "interkámbiu ba informasaun sira kona-ba kestaun militar sira nian" ho interese hanesan.

Haree ba reuniaun regular sira, ne'ebé halo iha tinan rua dala ida, entre reprezentante militar sira hosi nasaun rua ne'e no koperasaun temátiku iha área sira hanesan polítika defeza nian, ensinu no formasaun, misaun sira manutensaun dame nian, misaun humanitáriu sira, misaun sira hodi buka no salva, kuidadu médiku sira nian no mós iha nível estrutura organizasional ba Defeza no Forsa Armada sira nian.

Permiti mós partisipasaun hosi militar sira hosi nasaun rua ne'e hanesan observador ba asaun sira no ezersísiu nasional sira seluk.

Akordu ne'e mosu hosi vizita oioin ne'ebé halo hosi jeneral João Lourenço, ministru Defeza Nasional iha tinan hirak ikus ne'e iha Alemaña, no mós hosi "deklarasaun komun ida hosi intensaun sira" ne'ebé asina hosi governu rua ne'e iha 2011.

Mariña sira Alemaña ho Angola nian halo ona iha fulan-Fevereiru 2015, iha largu Luanda nian, ezersísiu naval hamutuk ida ne'ebé marka mós aumentu ba relasaun sira entre nasaun rua ne'e iha koperasaun militar.

Ezersísiu halo ona iha prezensa hosi ró haat hosi Mariña alemaun, liuliu fragata tolu funu nian, iha Angola, iha ámbitu hosi Forsa Operasional no hosi Formasaun nian hosi nasaun europeu ne'e hodi haree ba kombate iha pirataria nian iha Atlántiku súl.

"Vizita hosi forsa ne'e [Alemaña nian] bele haree hanesan hakat dahuluk vizivel hodi aumenta koperasaun militar entre ami nia nasaun ne'e", hatete iha tempu ne'ebá hosi kapitaun-tasi-no-funu nian Andreas Seidl, komandante hosi forsa alemaun.

Ofisial esklarese ona katak koperasaun entre mariña hosi nasaun rua ne'e sentradu iha formasaun hosi operasional angolanu sira, maibé intensaun hosi nasaun rua ne'e maka aumenta baze hosi entendimentu ne'e ba koperasaun iha área tékniku.

Iha aprezentasaun hosi meiu naval sira iha Luanda, embaixador alemaun nian iha Angola, Rainer Müller, asumi mós "orgullu" hosi Alemaña tanba iha nasaun afrikanu ida ne'ebé "sai mós hanesan parseiru iha área Defeza nian".

"Hanesan ba ministériu sira Defeza hosi nasaun rua hodi desidi, maibé Alemaña hakarak halo buat barak", haete hosi embaixador Alemaña nian iha Luanda.

ho Lusa

 


Comentários

Critério de publicação de comentários