Pájina aktualizada iha 05:59h, kinta-feira 15 Dezembru

Múzika, sinema ho debate sira iha Semana Lian Portugeza iha Timor-Leste

20 de Abril de 2017, 01:01

Konsertu hodi halo homenajen ba kantu alentejanu, debate sira no hatudu dokumentáriu hosi nasaun luzófonu sira hanesan destake balun hosi Semana Lian Portugeza nian ne'ebé hahú loron 02 Maiu iha Díli.


Semana, organizadu hamutuk ho Embaixada Portugal nian iha Díli no hosi Camões - Instituto da Cooperação e da Língua, hahú ho inaugurasaun hosi expozisaun ida kona-ba istória hosi lian portugeza, iha Universidade Nacional de Timor Lorosa´e (UNTL).

Expozisaun, ne'ebé hakarak destaka fatin ne'ebé maka lian portugeza okupa iha mundu, diresionadu liuliu ba públiku eskolar no hafoin ne'e sei bele vizita fatin sira seluk ensinu nian iha Timor-Leste.

Iha loron 03 Maiu sei hanoin halo semináriu ida ho tema "Harii, Eduka no Inova iha Lian Portugeza", ho espesialista sira ne'ebé sei analiza tema sira hosi área ensinu no sosiedade sivil nian".

Iha loron 04 Maiu, Díli simu konsertu ida hodi halo homenajen ba kantu alentejanu, patrimóniu imaterial humanidade nian, ho dupla Bernardo Espinho ho António Caixeiro.

Iha ámbitu hosi programa Semana Lian Portugeza nian, Eskola Portugeza Ruy Cinatti promove atividade oioin ne'ebé halo parte mós iha komemorasaun sira tinan 15 hosi fatin ensinu ne'e.

Sei iha mós aprezentasaun hosi "Novo Atlas da Língua Portuguesa", autoria hosi reitor ISCTE - Instituto Universitário da Lisboa, Luís Antero Reto, projetu ne'ebé apoia hosi Camões no hosi Ministériu Negósiu Estranjeiru portugés nian.

Iha programa sei hatudu mós dokumentáriu sira hosi Série DOC Tv CPLP (Komunidade hosi Nasaun sira Lian Portugés nian), ho títulu "A Nossa Língua", halo hamutuk ho apoiu hosi CPLP, iha ámbitu hosi Programa dahuluk hodi dezenvolve produsaun no teledifuzaun hosi dokumentáriu sira hosi Komunidade hosi Nasaun sira Lian Portugés nian.

Iha kazu ne'e, dokumentáriu sira hahú transmiti iha loron 06 Maiu, ho hatudu durante semana ualu konsekutivu.

Durante semana lian nian, delegasaun hosi Ajénsia ba Investimentu no Komérsiu Externu Portugal nian (AICEP) iha Timor-Leste promove expozisaun ida hosi produtu portugés sira ho tema "Mai koñese sabor no gastronomia Portugal nian".

ho Lusa

 


Comentários

Critério de publicação de comentários