Pájina aktualizada iha 00:50h, segunda-feira 22 Agostu

Austrália aumenta rekizitu hodi hetan sidadania

20 de Abril de 2017, 21:05

Iha loron-kinta ne'e Governu australianu fó sai aumentu hodi rekizitu sira hodi hetan sidadania nasaun nian, liutiha loron rua hafoin aumenta ezijénsia hodi fó vistu temporáriu sira serbisu nian.


Foto@ Paul Miller/EPA

"Sidadania australianu tenki reflete valor australianu sira", hatete hosi primeiru-ministru australianu, Malcolm Turnbull, iha konferénsia imprensa, hodi hatete katak nasaun, la hanesan ho sira seluk, la defini hosi etnia, relijiaun ka kultura.

"Ami defini hosi ami nia kompromisu ho valor komun sira, valor polítiku sira, estadu Direitu nian, demokrasia, respeitu maka'as, igualdade entre mane no feto sira, no ami nia prosesu sidadania tenki reflete ida ne'e", Turnbull explika.

Dalan foun sira sei eziji iha mínimu tinan haat ba rezidénsia permanente, la'ós hanesan fulan 12 iha medida atual, no ezame ida lian inglés ne'ebé komprova domíniu iha lian.

Aspirante sira mós tenki hatudu katak sira iha "valor australianu sira" no kontribui ba komunidade, hodi aprezenta prova sira serbisu kontínuo, deklarasaun sira impostu nian no partisipasaun oan sira nian iha eskola.

Lejislasaun foun sei iha limiti ba númeru máximu tolu atu ema ida bele kandidata ba teste sidadania nian, ne'ebé sei inklui pergunta foun sira, ne'ebé haruka ba konsulta públiku, hodi reflete komprensaun hosi valor sira no responsabilidade sidadaun nian.

Governu sei hametin verifikasaun sira hosi ema sira ne'ebé iha pasadu kriminozu hosi kandidatu sira no sei la fó sidadania ba ema sira ne'ebé uluk halo violénsia doméstika ka atividade sira ho ligasaun ba krimi organizadu.

Iha loron-tersa, Canberra fó sai aumentu hosi rekizitu sira ba traballador estranjeiru sira ne'ebé hakarak tama iha nasaun ne'e, hamenus númeru hosi profisaun sira ne'ebé tenki husu no posibilidade hodi hili ba rezidénsia permanente.

ho Lusa

 


Comentários

Critério de publicação de comentários