Pájina aktualizada iha 19:21h, tersa-feira 27 Juñu

Pekin felisita vensedor hosi prezidensial sira iha Koreia-Súl

10 de Maio de 2017, 19:17

Xefe Estadu xinés, Xi Jinping, felisita iha loron-kuarta ne'e Prezidente foun Koreia-Súl nian, Moon Jae-in, tanba vitória iha eleisaun sira loron-tersa nian, informa hosi ajénsia notísia ofisial xineza nian Xinhua.


Iha despaxu ho liña ida, ajénsia la hato'o pormenor sira kona-ba Xi nia liafuan sira.

Relasaun sira entre Pekin ho Seul hasoru períudu aat dezde hahú iha tinan 1992.

Maski hosi aproximasaun dahuluk, durante mandatu hosi anterior Prezidente Park Geun-hye, relasaun bilateral sira estraga lalais tanba desizaun hosi Seul hodi permiti instalasaun hosi sistema antimisil norte-amerikanu nian THAAD iha nia teritóriu.

Washington ho Seul justifika ona instalasaun hosi sistema ne'e hanesan medida prekausaun nian, hasoru teste nuklear sira no misil sira ne'ebé halo beibeik hosi Koreia-Norte.

Pekin konsidera ona katak sistema ne'e iha ameasa ida ba teritóriu xinés.

Konflitu hamosu vingansa komersial sira hasoru negósiu súl-koreanu sira iha Xina, ho konsumidor xinés sira bandu marka sira hosi Koreia-Súl ka kansela vizita sira ba nasaun.

ho Lusa

 


Comentários

Critério de publicação de comentários