Pájina aktualizada iha 19:29h, tersa-feira 27 Juñu

Ministru Edukasaun: Interese nasaun nian tenki diriji polítika linguístika timoroan sira nian

18 de Maio de 2017, 00:44

Ministru Edukasaun timoroan nian defende ona iha loron-kuarta ne'e katak polítika sira hodi uza lian ofisial, tétun ho portugés, iha nível oioin hosi sistema ensinu nian tenki diriji "úniku no exkluzivu" hosi interese nasional.


"Buat ne'ebé maka hamosu debate maka'as maka dalan oinsá lian ofisial sira tenki serve sistema ensinu no tenki serve edukasaun ida kualidade nian ba sidadaun tomak. Kestaun ne'e la'ós espesial de'it ba Ensinu Báziku, maibé hanesan mós ba nível sira seluk ensinu nian, hanesan ezemplu ba Ensinu Superior", afirma hosi António da Conceição.

"Ba rezolusaun hosi kestaun ne'e, buat úniku no priviléjiu ne'ebé maka bele lori ita maka interese nasional", nia hatete iha Díli.

António da Conceição ko'alia iha final hosi Kongresu Nasional ba Edukasaun ba dala tolu ne'ebé hotu ona iha Díli, no hala'o ona debate oioin, durante loron tolu, dezafiu prinsipal sira ne'ebé área edukativu timoroan hasoru, inklui kestaun hosi lian sira.

Deklarasaun ikus defende katak tenki "elabora no aprova polítika ida hosi uzu lian ofisial sira iha nível ida-idak hosi sistema ensinu no sujere revizaun ba Lei hosi Baze sira Edukasaun nian", liuliu ida ne'ebé refere ba lian sira hosi sistema edukativu.

Objetivu maka harmoniza diploma ne'e ho Estatutu hosi Kareira Edukador sira Infánsia nian no hosi Profesor sira hosi Ensinu Báziku no Sekundáriu "ne'ebé hatete katak ema dosente tenki iha domíniu di'ak ba lian portugeza bainhira hanesan lian prinsipal instrusaun nian no hosi akizisaun ba siénsia ho koñesimentu nian", rekomenda iha textu.

Ba ministru, rekomendasaun ne'e respeita "prinsípiu hosi interese nasional, pensamentu hosi fundador sira nasaun nian, pensamentu hosi prinsipal parseiru edukativu sira, hanesan ezemplu Igreja Katólika, opsaun sira hosi akadémiku prinsipal sira no pedagogu sira no mós lian hosi komunidade edukativu".

Maski hosi diferensa sira hosi opiniaun patente sira, António da Conceição destaka ona "akordu ne'ebé hetan iha área importante neen hosi área" ne'ebé agora bele serve ba Governu foun oinmai, ne'ebé sei hetan iha eleisaun parlamentar sira iha loron 22 Jullu, bele atualiza planu estratéjiku nasional sira.

"Reflesaun krítika ida, klean no realista hosi situasaun hosi área edukativu, ho baze hosi diagnóstiku klean ida, elabora hosi estrutura Ministériu Edukasaun nian", hatete hosi ministru.

Hanesan "diálogu ida ne'ebé inkluzivu, transparente no abranjente, ne'ebé partisipa ona hosi atór prinsipal sira no ajente edukativu sira" no ne'ebé "hetan ona solusaun konkretu sira ne'ebé hatán ba interese nasional", nia hatete.

Nia subliña katak hanesan transversal ba kongresu tomak maka kestaun hodi uza lian ofisial sira, portugés ho tétun, bainhira hanesan lian sira ensinu nian.

"Hanesan faktu ida ne'ebé labele kestiona", nia hatete, katak lian rua "hanesan elementu ne'ebé labele haketak hosi Istória, kultura no identidade" timoroan sira nian "nu'udar povu no Nasaun".

António da Conceição hakotu ho apelu ida ba partisipante sira iha kongresu atu labele haluha sakrifísiu sira hosi pasadu iha nia serbisu ba futuru nasaun nian.

"Durante funu ne'ebé ita hasoru ba kualidade hosi ita nia sistema edukativu, ita nunka haluha no fiar nafatin ba valor sira ne'ebé maka ita nia rezisténsia harii ona no manán ona iha luta ba independénsia", nia hatete.

Maioria hosi serbisu sira Kongresu nian, inklui intervensaun prinsipal sira no palestra sira, aprezenta ona iha lian portugeza.

ho Lusa

 


Comentários

Critério de publicação de comentários