Pájina aktualizada iha 14:17h, sabado 19 Agostu

UE finansia projetu hodi apoia agrikultor timoroan sira hodi kombate rai-maran

19 de Maio de 2017, 00:00

Uniaun Europeia asina iha loron-kinta ne'e ho Ministériu Agrkultura no Peska timoroan nian programa ida finansiamentu ne'ebé destina hodi hametin kapasidade hosi agrikultor nasional sira nian hodi kombate rai-maran.


Agrikultor ida la'o iha hare nia leet iha enklave Oecusse, Timor-Leste. Foto@ António Amaral /EPA

Ho euro millaun rua, projetu sei implementa liuhosi modelu koperasaun delegadu iha Organizasaun ONU nian ba Alimentasaun no Agrikultura (FAO), destina ba munisípiu sira Baucau, Viqueque, Manatuto, Ainaro, Lautem, Kovalima ho Manufahi.

"Komponente tolu, liuliu agrikultura konservasaun nian, jestaun ba risku hosi dezastre sira bazeia iha komunidade no sistema informasaun hosi seguransa hahán hosi projetu sei ajuda maka'as agrikultor sira", konsidera hosi Estanislau da Silva, ministru Agrikultura no Peska nian.

"Timor-leste tenki iha agrikultura ida ne'ebé prezerva kualidade sira hosi rai no rekursu sira ne'ebé bele lakon hanesan bee", hatete hosi embaixador europeu iha Díli, Alexandre Leitão, iha eventu asinatura akordu nian.

"Ne'e signifika produz beibeik, iha sirkunstánsia ruma, maski iha kondisaun klimátika kontráriu. Hanesan agrikultura ida ne'ebé tuir sinal sira tempu nian, nesesidade ida atu ita adapta, ita hotu, ba alterasaun klimátiku ne'ebé agrikultura sira senti iha tempu ikus ne'e", nia nota.

Previstu iha projetu, ne'ebé aposta iha "agrikultura matenek ba klima" iha apoiu ba "sistema ida informasaun kona-ba seguransa hahán no alerta antes", refere nota ida hosi misaun UE nian iha Timor-Leste ne'ebé haruka ba Lusa.

"Projetu hakarak kontribui ba dezenvolvimentu sustentável Timor-Leste nian, apoia agrikultor ki'ik sira ho rekursu limitadu sira, hodi adapta no replika teknolojia sira no prátika sira konservasaun nian hosi rekursu natural sira, hanesan bee no rai", refere hosi UE.

Hakarak "hamenus duni lakon hafoin kolleita, aumenta agro-florestasaun, planeamentu hodi hamenus risku sira dezastre nian no kria sistema sira alerta antes".

Projetu sei "aumenta mós hodi hamenus ba rihun tolu resin konjuntu família sira, fahe hosi komunidade 21 iha munisípiu hitu ne'ebé halo parte".

Asinatura iha loron-kinta ne'e hetan sasin hosi ministru portugés Agrikultura, Floresta no Dezenvolvimentu Rural nian, Capoulas Santos, ne'ebé to'o iha Díli hodi reprezenta Portugal iha tomada pose hosi Prezidente eleitu Francisco Guterres Lu-Olo nian.

ho Lusa

 


Comentários

Critério de publicação de comentários