Pájina aktualizada iha 12:39h, tersa-feira 17 Outubru

Taur Matan Ruak lamenta mate hosi "lutador destakadu"

19 de Maio de 2017, 19:14

Prezidente Timor-Leste nian lamenta ona iha loron-sesta ne'e kona-ba eis-visi-primeiru-ministru Mário Carrascalão nia mate, ne'ebé nia hanoin hanesan "lutador destakadu ida ba kondisaun hosi ema timoroan nian", hodi autoriza nia hakohi iha Jardim dos Heróis.


Foto@ Presidência da República de Timor-Leste

"Mário Carrascalão sai nafatin hanesan lutador destakadu ida ba kondisaun hosi ema timoroan sira nian, ida ne'ebé husik, ba jerasaun sira joven liu legadu ida ne'ebé riku tebes", refere hosi nota ida hosi Prezidénsia timoroan nian.

"Prezidente autoriza ona katak Eng. Mário Carrascalão deskansa iha Jardim dos Heróis iha Metinaro", explika iha nota ne'e.

Mário Viegas Carrascalão mate iha loron-sesta ne'e iha Díli, ho tinan 80, buat hotu hatudu katak hanesan vítima hosi atake fuan nian ne'ebé nia hetan bainhira lori karreta rasik iha sentru Díli nian.

Taur Matan Ruak hatudu ona "triste maka'as" tanba Carrascalão nia mate, ne'ebé nia kondekora iha loron-kinta ho Grande Colar hosi Ordem Timor-Leste nian, iha serimónia ne'ebé partisipa hosi líder oioin timoroan nian.

Dirijente sira hosi nasaun "ne'ebé hetan ona benefísiu hosi polítika edukativu hosi enjeñeiru Mário Carrascalão nian no nune'e hetan ona, hanesan nasaun, oportunidade hodi agradese ba nia", nia hatete.

Iha diskursu entrega kondekorasaun nian, iha loron-kinta, Taur Matan Ruak fó hanoin katak Mário Carrascalão "komprende ona no hatudu ona ba ema hotu katak objetivu hosi luta libertasaun nasional nian labele hanesan glória ruma, pesoal ka koletivu".

Carrascalão "defende nafatin Timor-Leste no ema timoroan sira", no tanba fiar iha dame "promove nafatin konversasaun dame nian entre okupante ho guerilleiru sira no defende nafatin hodi hadi'a kondisaun sira moris ema timoroan nian", nia afirma.

Xefe Estadu timoroan nian subliña atensaun ne'ebé Mário Carrascalão fó ona ba tema Edukasaun nian, no iha nia tempu nu'udar Governador maka harii universidade dahuluk nasaun nian, ho joven oioin iha oportunidade hodi sai hosi Timor-Leste hodi estuda.

"Abertura teritóriu nian, ne'ebé uluk hanesan izoladu, promove hosi Sr.Eng. Mário Carrascalão fó ona vizibildiade maka'as ba ema timoroan sira nia terus no ba aspirasaun justu sira ba luta libertasaun nasional nian", nia fó hanoin.

"Lian ida ne'ebé ativu nafatin hodi defende ema timoroan sira", destaka ona nu'udar deputadu no membru hosi Governu, no iha moris sívika, "hodi defende sidadaun sira no iha kombate ba korupsaun, todan ida hosi ita nia tempu", nia hatutan.

Imajen sira ba momentu entrega kondekorasaun nian domina iha loron-sesta ne'e iha rede sosial sira iha Timor-Leste, ne'ebé mosu komentáriu oioin hodi fó kondolénsia ba família sira, ba belun sira, dirijente timoroan sira no sidadaun baibain sira, ne'ebé halo triste festa ba tinan 15 hosi restaurasuan independénsia nian, iha loron-sábadu.

ho Lusa

 


Comentários

Critério de publicação de comentários