Pájina aktualizada iha 14:17h, sabado 19 Agostu

Capoulas Santos destaka figura markante

19 de Maio de 2017, 23:50

Ministru Agrikultura, Floresta no Dezenvolvimentu Rural portugés nian konsidera ona katak Mário Carrascalão hanesan "figura markante" ida hosi istória foun Timor-Leste nian, ne'ebé nia perkursu polítiku hanesan hatudu espíritu rekonsiliasaun nian hosi sosiedade timoroan.


Foto@ Hugo Delgado /EPA

"Nia hanesan figura markante ida hosi istória foun timor nian la'ós de'it tanba perkursu polítiku, hanesan kontroversu, maibé tanba ironia hosi destinu nian simu kondekorasaun hosi atual prezidente loron ida antes nia mate", Capoulas Santos hatete ba Lusa, iha Díli.

"Hanesan sinal revelador hosi espíritu rekonsiliasaun ida sosiedade timoroan nian", nia hatete hodi hanoin hikas katak Mário Carrascalão, ne'ebé mate iha loron-sesta ne'e ho tinan 80, uluk hanesan "governador indonéziu no hafoin ne'e membru hosi Governu hosi Timor independente".

"Sai mós hanesan tékniku ida ho ligasaun ba área ne'ebé maka ha'u kaer iha Portugal no ne'ebé nia memória ha'u respeita pesoalmente. Hodi Governu portugés nia naran, ha'u hakarak transmiti sentimentu kondolénsia ba nia família", nia hatete.

Mário Viegas Carrascalão mate iha loron-sesta ne'e iha Díli, ho tinan 80, buat hotu hatudu katak hanesan vítima hosi atake fuan nian ne'ebé nia hetan bainhira lori karreta rasik iha sentru Díli nian.

Eis-visi-primeiru-ministru estuda ona iha Institutu Superior Agronomia iha Portugal, ne'ebé forma iha silvikultura, hodi hakotu kursu ho nota 19,5 no teze ida ne'ebé sai hanesan estudu dahuluk ne'ebé halo kona-ba ai portugés ida ne'ebé hanesan ai-kakeu.

Bainhira fila ba Timor-Leste, nia simu knaar nu'udar xefe hosi serbisu sira agrikultura nian, funsaun sira ne'ebé nia okupa bainhira, iha tinan 1974, hamutuk ho Domingos Oliveira, César Mouzinho, António Nascimento, Francisco Lopes da Cruz no Jacinto dos Reis, harii União Democrática timorense (UDT), partidu dahuluk timoroan nian.

ho Lusa

 


Comentários

Critério de publicação de comentários