Pájina aktualizada iha 18:16h, segunda-feira 20 Novembru

Kampaña direta hosi joven sira Fretilin nian

13 de Julho de 2017, 00:27

Hosi António Sampaio

Euforia hosi grupu joven sira, entre taxista sira no vendedor sira hosi rekarga pulsa nian, fó lian no kór ba enkontru ki'ik ne'ebé organiza hosi Fretilin hodi fahe panfletu sira no fó koñese programa hosi partidu ba lejislativu timoroan sira nian.


Foto@ Nuno Veiga/EPA

Enkontru, ne'ebé kuaze hanesan improvizadu, halo iha sentru komersial úniku nia oin, iha kapital Díli, ne'ebé joven sira ne'e barak para sira nia taxi amarelu sira ka tenta fa'an ba ema sira ne'ebé uza rekarga ba telefone sira hosi operador tolu iha Timor-Leste.

Iha kintal hosi uma humilde ida maka akontese buat hotu - situa iha zona oeste hosi kapital -, grupu ida dirijente no militante sira hosi Fretilin fahe kartaz sira, folletu sira no bandeirola sira ba joven sira.

"Sira hakarak tan bandeirola maibé ami laiha ona", explika hosi Alex Tilman, elementu ida hosi Fretilin, ne'ebé partisipa iha enkontru ne'ebé maka partidu repete, iha fatin oioin iha nasaun, dezde hahú kampaña.

Iha liur, iha ona estrada movimentadu - tránzitu boot hanesan sinal ida hosi dezenvolvimentu ne'ebé Timor-Leste hetan iha tinan hirak ikus ne'e - fó viva ba Frente Revolucionária do Timor-Leste Independente (Fretilin) bainhira enfeita taxi sira ho bandeira sira no kartaz sira.

Tilman, ho tinan 40, halo parte hosi jerasaun foun hosi líder sira partidu nian ne'ebé iha tinan hirak ikus ne'e fó knaar maka'as ba joven sira: Juventude Fretilin halo kampaña direta, iha merkadu sira, iha fatin sira ne'ebé ema halo konsentrasaun barak.

Iha sira nia liman iha moldura rua, ida amarelu ho ida seluk mean, ne'ebé maka partidu uza hodi kria "retratu sira" hosi militante sira, ho joven sira dudu malu hodi hasai foto sira, ne'ebé hafoin ne'e, tau iha rede sosial sira.

Estimativu sira hatudu katak ema timoroan rihun 500 uza Facebook no iha ne'e, no mós iha nasaun sira seluk, rede sosial sira ba ema barak hanesan fonte únika ba informasaun. No tinan ne'e, hanesan mós ba informasaun no marketing polítiku.

Kór, bandeira sira, kamizola sira, konversa ne'ebé halo, karik, lahó impaktu mediátiku boot hosi komísiu sira ka asaun boot sira kampaña nian no ne'ebé aposta iha aproximasaun.

Tilman hatete katak "ema sira hatán di'ak" ba diálogu diretu, ne'ebé hatudu satisfeitu tanba bele, la'ós rona de'it, halo pergunta sira, diskuti asuntu sira ne'ebé hamosu preokupasaun ba sira.

"Sira husu mai ami maibé mós sira halo krítika. Sira hatete mai ami katak ami iha Parlamentu kleur ona no husu mai ami saida maka ami halo. Ka ami iha ona Governu no saida maka ami halo ona. Hanesan oportunidade ida hodi explika kompleksidade hosi organizasaun polítika, fó koñese programa sira hanesan hosi Oecusse [lidera hosi Mari Alkatiri, sekretáriu-jeral Fretilin nian] ka lideransa hosi atual primeiru-ministru, Rui Araújo", explika hosi Tilman.

Hanesan mós oportunidade hodi buka fila fali ba polítika hodi aumenta grupu hosi joven sira ne'ebé laiha ligasaun ba governasaun nasaun nian no ne'ebé, sujere, la koñese mós Timor-Leste nia istória.

Iha prátika, enkontru sira hanesan aplika iha kampaña hosi métodu ida ne'ebé Fretilin explika katak halo iha preparasaun hosi nia programa ba lejislativu loron 22 Jullu nian.

Fretilin, tuir poténsia, hanesan partidu ne'ebé iha estrutura organizadu liu, to'o iha aldeia sira ne'ebé dook tebes ne'ebé serbisu nia polítika maski iha époka sira "hakmatek" nian, lahó kampaña eleitoral sira.

Tilman explika katak tanba ne'e programa reflete aspirasaun sira hosi populasaun iha baze, sira nia preokupasaun ho aspetu sira hanesan bee ka saneamentu ka nesesidade báziku sira seluk iha mundu rural.

"Ami nia programa mai hosi abut, hosi aspirasaun sira hosi abut. Enkontru sira ne'e, bainhira ema sira hatete katak programa sira hanesa de'it ba polítiku sira no sira la aproveita buat ida, ami explika katak sé maka ita hili iha 22 Jullu, saida maka sira sei halo sei afeta ba ema tomak", nia hatete.

Kampaña ba lejislativu halo to'o loron 19 Jullu.

ho Lusa

 


Comentários

Critério de publicação de comentários