Pájina aktualizada iha 18:20h, segunda-feira 20 Novembru

Autoridade lokal: Mate ona opozitor xinés Liu Xiaobo

13 de Julho de 2017, 23:18

Opozitor xinés Liu Xiaobo mate ona iha loron-kinta ne'e ho tinan 61, fó sai hosi autoridade sira hosi provínsia Liaoning, fatin ne'ebé Nobel Dame tinan 2010 nian hetan tratamentu ba kankru aten nian.


Liu Xiaobo tama iha kadeia durante tinan ualu resin tanba "revolta".

Sai hanesan Prémiu Nobel dahuluk ne'ebé maka mate lahó liberdade dezde pasifista alemaun Carl von Ossietzky, ne'ebé mate iha tinan 1938 iha ospital ida bainhira iha hela nazi sira nia liman laran.

Nobel Dame ne'e hetan transferénsia hosi kadeia, ne'ebé hanesan fatin kondenasaun tinan sia nia laran, ba ospital, iha inísiu fulan-Juñu, hafoin hatene tiha liuhosi diagnóstiku ba kankru ida.

Liu prezu iha fulan-Dezembru 2008 no kondenadu iha tinan oinmai ba kadeia tinan 11 tanba "hamosu revolta", hafoin ajuda tiha hakerek Karta 08, manifestu polítiku ida ne'ebé apela ba reforma demokrátiku sira no respeitu ba direitu ema sira nian iha nasaun aziátiku.

ho Lusa

 


Comentários

Critério de publicação de comentários