Pájina aktualizada iha 09:04h, kuarta-feira 20 Setembru

Macron ho Merkel defende diálogu ho Trump maski iha "diferensa evidente sira"

13 de Julho de 2017, 23:59

Prezidente fransés, Emmanuel Macron, ho xanxeler alemaun, Angela Merkel, defende ona iha loron-kinta importánsia hodi mantén diálogu ho prezidente norte-amerikanu, Donald Trump, maski iha diverjénsia sira iha área sira hanesan luta hasoru alterasaun klimátiku sira.


Iha konferénsia imprensa hamutuk hafoin simeira franko-alemaun, Merkel hatete katak simeira G20 iha semana liubá hatudu ona katak iha pontu sira hanesan, ezemplu maka luta hasoru terorizmu, maibé "iha mós diferensa evidente sira hanesan ezemplu maka, ho triste tebes, diferensa kona-ba nesesidade hosi Akordu Paris nian kona-ba klima".

"Ami la destaka diferensa sira ne'e, maibé, maski nune'e, kontaktu, kapasidade hodi konversa, hanesan naturalmente importante", hatutan hosi xanxeler alemaun.

Emmanuel Macron afirma ona katak Alemaña ho Fransa fiar katak iha importánsia hosi relasaun metin ida ho Estadus Unidus, maski hosi diverjénsia sira.

"Estadus Unidus hanesan aliadu estratéjiku ida hosi Fransa ho Europa nian iha área oioin", nune'e "tenki mantén interkámbiu sira baibain nian", hatete hosi prezidente fransés.

Donald Trump to'o iha Paris iha loron-kinta ne'e hodi asisti ba serimónia sira Loron Bastilha nian, loron nasional Fransa nian, ne'ebé selebra iha loron 14 Jullu, no aniversáriu ba dala 100 ba entrada Estadus Unidus nian iha Funu Mundial Dahuluk nian.

"Ha'u konvida ona Prezidente Trump no ha'u senti hakfodak tanba mosu debate no protestu barak, tanba hanesan sentenáriu ba intervensaun hosi forsa sira norte-amerikanu nian, hamutuk ho ami, iha Funu Mundial Dahuluk", Macron hatete no subliña katak hanesan "sinal importante" ida oinsá maka nasaun rua sai hanesan personajen hosi Istória nian.

ho Lusa

 


Comentários

Critério de publicação de comentários