Pájina aktualizada iha 11:05h, sabado 23 Setembru

Mari Alkatiri sei tenta manán iha Oecusse, rejiaun ne'ebé nia governa

14 de Julho de 2017, 19:59

Hosi António Sampaio

Grupu ida hosi joven sira no feto sira hosi Fretilin simu ho ksolok sekretáriu-jeral Fretilin nian, Mari Alkatiri, iha loron-sesta ne'e bainhira to'o iha enklave Oecusse-Ambeno tanba iha ona previzaun atu halo komísiu ida iha ne'e iha loron-sábadu.


Foto@ Nuno Veiga /EPA

Iha parte ikus hosi kampaña ba lejislativu sira loron 22 Jullu, Fretilin konsentra nia atensaun sira iha loron-sesta ne'e no iha loron-sábadu iha enklave ne'ebé, iha tinan hirak ikus ne'e, Mari Alkatiri lidera nafatin projetu importante sira hosi Estadu timoroan nian.

Kriasaun hosi Rejiaun Administrativu Espesial Oecusse-Ambeno (RAEOA) no projetu hosi Zona Espesial ba Ekonomia Sosial Merkadu nian (ZEESM) sai ona, ba apoiante sira no ba krítiku sira, hanesan projetu ida ne'ebé polémiku tebes.

Iha parte orsamentu nian rejiaun simu ona, entre tinan 2014 no 2017, besik dolar millaun 544, no avansa ona ho planu boot ida dezenvolvimentu hosi infraestrutura báziku sira, ne'ebé maka destaka sentral elétriku ida, estrada sira, sistema sira irigasaun nian, klínika ida, ponte ida ho aeroportu.

Lian sira ne'ebé krítiku liu husu nafatin objetivu hosi gasta sira ne'e hodi nota katak, to'o agora, laiha investimentu importante privadu iha rejiaun ne'ebé tuir sira hatete katak hanesan ladún klaru.

Apoiante sira hosi projetu insisti iha nia importánsia hodi dezenvolve rejiaun izoladu ida no ne'ebé hahú hosi restaurasaun independénsia Timor-Leste nian, iha 2002, ema haluha no hodi hametin kriasaun hosi área dezenvolvimentu foun sira ne'ebé dook hosi kapital timoroan nian.

Iha eleisaun prezidensial sira loron 20 Marsu, prezidente Fretilin nian, Francisco Guterres Lu-Olo, lakon iha Oecusse (ba kandidatu António da Conceição ho marjen mínimu), maski nia kandidatura apoia hosi partidu boot rua hosi nasaun ne'e, Congresso Nacional para a Reconstrução de Timor-Leste (CNRT) hosi Xanana Gusmão ho Fretilin.

CNRT ho Partidu Libertasaun Popular (PLP) - lidera hosi eis-Prezidente Taur Matan Ruak - reivindika ona katak iha kampaña ne'e halo ona komísiu boot iha rejiaun ne'ebé, iha loron 22 Jullu, karik sei la fó fali vitória ba partidu ne'ebé halo parte hosi ema ne'ebé maka governu rejiaun autónoma.

Hafoin viajen naruk hosi Díli to'o Pante Makassar - anin impede ona avioneta hosi RAEOA hodi halo viajen iha loron-kinta no loron-sesta kontinua senti anin maka'as - Mari Alkatiri no dirijente sira seluk Fretilin nian, simu ona hosi elementu sira partidu nian iha aeroportu enklave nian.

Oinsá futuru hosi aeroportu internasional ne'ebé sei harii hela no, tanba ne'e, Twin Otter 400 ho fatin hamutuk 19 - hanesan aviaun komersial timoroan úniku no iha loron-sesta ne'e semo entre sidade oioin iha nasaun laran - to'o, hanesan baibain, la'ós iha pista ba aviaun nian.

Bainhira to'o, iha hela resintu aeroportu nian, apoiante sira hosi Fretilin hamutuk atus resin no dirijente sira hosi partidu nian, inklui Arsénio Bano, númeru rua hosi ZEESM no membru hosi Komisaun Polítika Nasional partidu nian, maka simu Alkatiri.

Iha faixa amarela, ho bandeira Fretilin nian iha parte ida, bele le "RAEOA Vota 21", númeru hosi partidu nian iha boletin votu nian, sigla OPMT (Organizasaun Popular Feto Timoroan nian) no lema ida hosi kampaña nian: "Ida Buras Liu".

"Viva ba Fretilin. Viva Oecusse", Alkatiri hatete antes tama iha karreta ida ho koluna, ne'ebé hafoin ne'e ba iha kampu futebol Pante Makasar nian, ne'ebé sei halo komísiu iha loron-sábadu.

Eleisaun sira sei hala'o iha loron 22 Jullu no kampaña eleitoral hotu iha loron 19.

ho Lusa


Comentários

Critério de publicação de comentários