Pájina aktualizada iha 23:21h, domingu 19 Novembru

PR apela ba partisipasaun hosi eleitor sira iha lejislativu loron-sábadu

17 de Julho de 2017, 20:12

Iha loron-segunda ne'e Prezidente Repúblika timoroan apela ona ba eleitor sira atu partisipa iha lejislativu sira loron-sábadu, felisita ona ba kampaña sira ne'ebé hala'o ho hakmatek, ho "sentidu responsabilidade no respeitu maka'as" ne'ebé hatudu hosi ema tomak.


"Ambiente dame ho estabilidade ne'ebé hetan durante kampaña hanesan rezultadu hosi ema tomak nian", Francisco Guterres Lu-Olo hatete iha diskursu ida iha Díli.

"Futuru hosi ema ida-idak, hosi família ida-idak, hosi povu tomak, bele hadi'a maibé ne'e sei depende hosi ezersísiu ba ita nia direitu votu nian", nia hatutan.

Lu-Olo ko'alia iha inísiu hosi debate ba loron rua entre reprezentante sira, hosi partidu polítiku hamutuk 21 ne'ebé konkore ba lejislativu loron-sábadu, ne'ebé organizadu hosi Komisaun Nasional Eleisaun nian (CNE) iha Díli no transmiti hosi televizaun públika (RTTL).

Iha loron-segunda ne'e mós televizaun privadu timoroan nain GMN TV sei transmiti mós debate ida, iha kazu ne'e sei iha moderasaun hosi eis-Prezidente José Ramos-Horta no ne'ebé sei partisipa hosi dirijente na'in haat hosi forsa polítika prinsipal sira: Congresso Nacional para a Reconstrução de Timor-Leste (CNRT), Frente Revolucionária de Timor-Leste Independente (Fretilin), Partidu Demokrátiku (PD) ho Partido de Libertação Popular (PLP).

"Ita hotu iha kbiit hodi hili ita nia governante sira liuhosi partidu polítiku sira. Kbiit ne'e hanesan maka'as no espesial tebes. Povu sira hosi nasaun barak iha mundu laiha kbiit ida hanesan ne'e tanba rejimi hosi nasaun sira ne'e la permiti ida", afirma hosi Lu-Olo.

"Tanba ne'e ita ida-idak sei uza ita nia direitu hodi hili líder sira hosi nasaun, direitu ida ne'ebé ita konkista ona bainhira ita hahú prosesu hosi organziasaun hanesan Estadu no ita asumi ona ita nia soberania", nia hatutan mós.

Lu-Olo felisita mós autoridade eleitoral rua, Sekretariadu Tékniku ba Asisténsia Eleitoral (STAE) ho Komisaun Nasional Eleisaun nian (CNE) tanba "empeñu" iha organizasaun ba votu ida "justu ho livre", hatudu konfiante iha susesu eleisaun nian.

Hatudu satisfasaun tanba haree líder partidáriu sira halibur hamutuk iha debate, xefe Estadu hatete ona katak hanesan importante durante kampaña forsa polítika fó sai ona nia programa ho sira nia objetivu sira.

Nia hatete katak desizaun ida ne'ebé aprova programa di'ak "hodi hamenus kiak iha tinan lima oinmai no promove dezenvolvimentu nasaun nian".

"Ha'u apela ona ba imi partisipasaun iha asaun eleitoral iha loron 22 Jullu tuirmai. Imi nia votu hanesan importante. Ho imi nia votu maka ita sei konsege aumenta mós demokrasia ho hetan objetivu sira dezenvolvimentu nian", nia hatete.

"Mai ita ajuda malu no serbisu hamutuk, dedikadu hodi hetan dezenvolvimentu ida integradu no sustentável hosi ita nia nasaun no ba jerasaun futuru sira", nia afirma.

ho Lusa

 


Comentários

Critério de publicação de comentários