Pájina aktualizada iha 09:04h, kuarta-feira 20 Setembru

BNU lansa kartaun kréditu dahuluk hosi sistema bankáriu iha Timor-Leste

17 de Julho de 2017, 21:18

BNU, reprezentante CGD nian iha Díli no banku boot iha Timor-Leste iha depózitu no kréditu nian, lansa ona iha findesemana ne'e kartaun débitu no kréditu dahuluk sira hosi nasaun ne'ebé bele uza iha mundu tomak.


"Hanesan hakat foun ida iha dinámika ne'ebé hatán ba evolusaun no ba kresimentu Timor-Leste nian", explika hosi diretór BNU nian, Fernando Torrão Alves, bainhira lansa kartaun sira.

"Maski merkadu ki'ik, ami halo ona investimentu importante tebes, nune'e permiti ohin loron hatete katak iha Timor iha ona kartaun sira VISA kréditu ho débitu nian", nia refere.

To'o agora, bainhira rezidente ida hosi Timor-Leste halo viajen ba estranjeiru, tenki lori osan ka halo transferénsia ba konta sira iha nasaun sira seluk hodi iha asesu ba sira nia fundu iha konta timoroan nian.

Agora daudaun, no tanba motivu seguransa nian, kartaun sira sei halo iha Portugal, antesipa katak kartaun dahuluk sira bele entrega ba kliente sira iha fulan ida nia laran.

Torrão Alves explika ona katak lansamentu hosi kartaun sira hanesan hakat ida iha siklu ida investimentu nian ne'ebé hahú ona iha tinan 2010 no, tuir nia hatete, katak "kontribui ona ba mudansa hosi mapa bankáriu timoroan nian, muda tebes oinsá hábitu sira, prosesu sira no, liuliu, haree ba estrutura sira BNU nian iha instrumentu fundamental sira ba mudansa istórika ida hosi dalan ne'e".

Entre prosesu sira ne'e nia destaka ona abertura ba ajénsia neen, ho rede ne'ebé iha loron-domingu ne'e to'o iha munisípiu 12 hosi munisípiu 13 iha nasaun laran - ida iha Same sei loke iha tempu oinmai - no modernizasaun hosi ajénsia sira ne'ebé loke tiha ona.

Kria mós rede ida hosi kanal eletróniku sira hodi garanti kobertura nasional hosi rede LOOS24, hanesan ho multibanku portugés, hodi funsiona unidade 80 resin hosi pagamentu ho kartaun (POS) iha estabelesimentu komersial prinsipal sira - restaurante sira, hotel sira, supermerkadu sira, klínika sira no estasaun sira serbisu nian.

"Ohin loron ami bele afirma ho satisfasaun katak halo maka'as ona tranzasaun iha ATM no POS duké iha kaixa sira hosi ajénsia sira", Torrão Alves hatete.

Foin lalais ne'e BNU hahú instala ona "sistema dahuluk hosi validasaun biométrika dijital iha prosesu sira foti osan iha balkaun sira", no iha ona kondisaun hodi hatán ba "dalan oioin ne'ebé presiza ba kréditu".

Ho universu ida ho kliente rihun 70 resin, BNU agora daudaun iha kaixa multibanku hamutuk 40 iha Timor-Leste, ho prezensa iha munisípiu 12 hosi munisípiu 13 (ida ikus sei hotu iha tinan ne'e), fó serbisu ba funsionáriu timoroan na'in 126 no funsionáriu internasional na'in hitu (entre sira maka diresaun jeral).

Banku dahuluk ne'ebé maka loke iha Timor-Leste no hanesan banku antigu liu ne'ebé maka halo operasaun iha teritóriu, BNU, ne'ebé halo parte hosi Grupu Caixa Geral de Depósitos, loke nia ajénsia dahuluk, iha kapital timoroan nian, Díli, iha tinan 1912, liutiha tinan tolu hafoin loke ajénsia maka hahú sirkulasaun ba dala uluk hosi nota privativu sira ba Timor-Leste.

ho Lusa

 


Comentários

Critério de publicação de comentários