Pájina aktualizada iha 14:11h, sabado 16 Dezembru

ONU: Timor-Leste kontinua ho problema hahán maski iha di'ak oituan

04 de Agosto de 2017, 01:24

Situasaun alimentar iha Timor-Leste hahú di'ak iha tinan ne'e relasionadu ho tinan 2016, maibé iha nafatin bolsa sira insufisiénsia alimentar nian, balun tanba aumentu hosi produsaun sereal sira ne'ebé mantén aleiden média, hatete hosi ONU iha loron-kinta ne'e.


Relatóriu, hosi Organizasaun ONU nian ba Alimentasaun no Agrikultura (FAO), nota ona aumentu ida iha previzaun hosi produsaun sereal sira tinan ne'e relasionadu ho folin ne'ebé tuun tebes iha tinan 2016, maski sei hein atu "tuun liu hosi média".

Ne'e sei iha efeitu lalais ida iha diminuisaun hosi previzaun sira importasaun nian iha tinan 2017 no 2018, maibé la evita atu "inseguransa alimentar todan sei ezisti iha bolsa balun" iha nasaun, indika hosi relatóriu.

Udan ne'ebé regular liu no distribui ho di'ak no sistema irigasaun sira ne'ebé di'ak kontribui ona ba aumentu hosi produsaun iha tinan ne'e, liuliu iha leste nasaun nian.

Iha zona sira seluk, hanesan Aileu, Baucau, Covalima no iha enklave Oecusse, udan ne'ebé oituan duké média entre fulan-Maiu ho fulan-Juñu afeta ona kuantidade produsaun nian.

Udan ne'ebé maka'as duké normal entre fulan-Jullu no fulan-Setembru bele, iha parte balun, afeta produsaun hosi kolleita daruak.

Produsaun global tinan ne'e bele to'o iha tonelada rihun 155.

Informasaun halo parte hosi Sistema Alerta no Informasaun Global (GIEWS, sigla iha lian inglés) hosi FAO iha fulan-Agostu ne'ebé analiza situasaun alimentar iha Timor-Leste, ne'ebé iha tinan hirak ikus ne'e hasoru nafatin efeitu hosi fenómenu 'El Niño'.

Fenómenu 'El Niño' maka hanesan mudansa sira, entre fulan 12 no fulan 18, iha distribuisaun hosi temperatura hosi superfísie bee hosi oseanu Pasífiku, ho efeitu iha meteorolojia rejiaun nian.

Tuir espesialista sira, fenómenu sira hosi 2015 no 2016, entre sira ne'ebé rejista maka'as, afeta maka'as ona padraun sira udan nian iha Timor-Leste, influensia produsaun agríkola no halo ona falta hahán adisional sira iha zona oioin.

Iha tinan hirak ikus ne'e, Governu timoroan hala'o beibeik programa espesial sira hosi asisténsia hahán nian, ho apoiu hosi instituisaun internasional sira.

Tuir ekipa sira iha rai laran, zona sira ho preokupasaun maka'as maka munisípiu sira hosi Baucau, Bobonaro, Covalima, Lautem, Oecusse ho rejiaun kosteira Viqueque nian.

ho Lusa


Comentários

Critério de publicação de comentários