Pájina aktualizada iha 00:36h, segunda-feira 22 Agostu

Vatikanu husu suspensaun hosi Asembleia Konstituinte Venezuela nian tanba "peñór futuru"

04 de Agosto de 2017, 23:05

Vatikanu, iha loron-sesta ne'e, hatudu ona nia preokupasaun ho situasaun iha Venezuela no insisti governu hosi Prezidente Nicolas Maduro nian hodi suspende Asembleia Konstituinte tanba promove "klima ida tensaun nian" no "halo peñór ba futuru".


Iha komunikadu ida, Sekretaria Estadu Vatikanu nian lamenta ona "radikalizasaun no agravamentu hosi krizi", asinala katak papa Francisco "akompaña nafatin" situasaun no "nia implikasaun humanitáriu sira, sosial sira, polítika sira, ekonómiku sira no mós espiritual sira".

Opozisaun venezuelanu manifesta, iha loron-sesta ne'e, iha Caracas hasoru Asembleia Konstituinte, ne'ebé nia sesaun inaugural previstu ba loron-sesta ne'e mós.

Eleisaun hosi Asembleia hetan boikot hosi opozisaun, ne'ebé konsidera la lejítimu, no sira nia líder na'in rua, Leopoldo López ho Antonio Ledezma, kaer ona iha loron-tersa.

Okaziaun protestu sira hasoru governu Maduro nian hahú ona iha fulan-Abril liubá no hahú tempu ne'ebá ema na'in 120 resin maka mate ona.

ho Lusa

 


Comentários

Critério de publicação de comentários