Pájina aktualizada iha 09:24h, kuarta-feira 20 Setembru

Papa apela atu hapara "kultura mate nian" iha etapa ikus hosi viajen ba Kolómbia

11 de Setembro de 2017, 22:34

Iha loron-domingu ne'e, papa Francisco apela ona iha Kolómbia hodi hapara "kultura mate nian" hodi hametin dame, hafoin akordu sira ne'ebé asina ho guerrilla ikus sira iha nasaun ne'e hodi hakotu konflitu armadu ne'ebé dura ona tinan 50 resin.


"Ita hatán hasoru kultura mate nian, violénsia nian, ho kultura moris nian, enkontru nian", sumu pontífise hatete durante misa dahaat ne'ebé selebra durante nia permanénsia iha Kolómbia no ne'ebé hala'o iha Cartagena de Índias (norte), faze ikus hosi vizita durante loron lima.

Francisco afirma ona katak iha prosesu pasifikasaun Kolómbia nian "labele haluha ema sira", iha diskursu ne'ebé nia aproveita ona hodi fó sai mensajen ida kona-ba oinsá maka tenki avansa prosesu dame nian iha nasaun latinu-amerikanu ne'e.

Iha referénsia ida ba prosesu pasifikasaun ne'ebé susar iha nasaun no "ne'ebé maka nia observa harmonia delikadu ida entre polítika ho direitu", papa asinala ona katak "labele haluha ema sira".

Iha homília selebradu ba fiar-na'in millaun resin ne'ebé konsentradu iha área portuáriu Contecar nian, ne'ebé papa to'o ho helikópteru, papa hatete katak dame "sei la hetan ho dezeñu hosi marka normativu sira no revizaun institusional sira entre grupu polítiku no ekonómiku sira ho vontade di'ak".

Nune'e maka nia akonsella katak presiza inklui iha "prosesu sira dame nian esperiénsia hosi área sira ne'ebé dalabarak, hanesan auzente, hodi nune'e komunidade sira maka harii prosesu sira hosi memória koletivu nian".

Iha nasaun ida ne'ebé maka polarizadu tebes no iha nível agresividade polítika aas tebes tanba akordu sira entre Governu hosi Prezidente Juan Manuel Santos nian no Forsa Armada Revolusionáriu sira Kolómbia nian (FARC), Francisco esplika ona katak labele harii "projetu ida hosi parte balun ba oituan ka minoria ida esklaresidu ka ho sasin atu bele adekuadu ba sentimentu koletivu ida".

"Hanesan akordu ida hodi moris hamutuk, hosi paktu sosial no kultural ida", nia hatete no haktuir ezortasaun "Evangelii Gaudium".

Iha diskursu ida ne'ebé sentra liu iha tema hosi prosesu dame ne'ebé hahú iha Kolómbia hafoin asinatu ba akordu sira dame nian no negosiasaun foun sira ho Ezérsitu Libertasaun Nasional nian (ELN, guerilla daruak kolombianu nian), Jorge Bergoglio asinala mós katak "kanek antigu sira hosi istória tenki hetan fatin hodi bele hetan justisa, hodi iha posibilidade ba vítima sira hodi bele hatene lia-loos, atu estraga sira bele hadi'a ho di'ak no bele iha asaun loloos sira hodi evita atu bele mosu fila fali krimi sira".

Papa haktuir fila fali "eskritór sira ne'ebé imi nian no mós ba ema tomak [Gabriel García Márquez]” bainhira afirma katak "dezastre kultural ne'e la hadi'a ho xumbu ka ho osan-mutin maibé ho edukasaun ba dame, harii ho domin iha nasaun ne'ebé ajitadu nia rahun ne'ebé ita hadeer sedu hodi ita bele oho malu", husik krítika ba pasividade hosi área katóliku balun.

Pontífise husu mós atu reza "hodi hasai sira ne'ebé maka iha sala no la'ós tanba nia destruisaun, ba justisa no la'ós tanba vingansa, ba repozisaun ba lia-loos no la'ós tanba haluha".

Francisco hatete mós katak dame estável no dura kleur iha Kolómbia liuhosi garantia "ema hotu nia di'ak, ekuidade, justisa, respeitu ba natureza ema nian no ba sira nia ezijénsia".

ho Lusa

 


Comentários

Critério de publicação de comentários