Pájina aktualizada iha 09:24h, kuarta-feira 20 Setembru

Xina apoia esforsu Birmánia nian hodi "prezerva estabilidade" iha konfrontu ho rohingya

12 de Setembro de 2017, 23:14

Xina hatete iha loron-tersa ne'e katak apoia esforsu sira hosi autoridade birmaneza sira hodi "prezerva estabilidade" iha rejiaun oeste nasaun nian, ne'ebé violénsia halo ona ema rohingya hamutuk rihun 300 resin halai ba Bangladexe.


"Ami fiar katak komunidade internasional tenki apoia esforsu sira Birmánia nian hodi prezerva estabilidade hosi nia dezenvolvimentu", hatete hosi porta-vós hosi Ministériu Negósiu Estranjeiru xinés iha konferénsia ba imprensa.

Violénsia hasoru ema rohingya sira aumenta ona dezde atake, iha loron 25 Agostu, hasoru postu polísia hamutuk 30 resin ne'ebé maka halo hosi rebelde sira, hosi Ezérsitu Salvasaun ba Estadu Rohingya nian (Arakan Rohingya Salvation Army, ARSA), ne'ebé defende direitu hosi minoria ne'e.

ONU kalkula katak ema millaun ida resin, barak liu hosi minoria musulmanu rohingya, karik mate ona tanba violénsia iha estadu Rakhine, númeru ida ne'ebé maka aas tebes duké estimativu sira hosi autoridade Birmánia nian.

Autoridade birmanés sira la rekoñese sidadania ba ema rohingya sira no konsidera sira hanesan imigrante, fó ba sira bandu oioin, inklui bandu sira hodi laiha liberdade ba movimentu.

ho Lusa


Comentários

Critério de publicação de comentários