Pájina aktualizada iha 18:16h, segunda-feira 20 Novembru

Áfrika-Súl halo leilaun ba euro 11.500 iha ativu hosi visi-prezidente Guiné Ekuatorial nian

12 de Setembro de 2017, 23:44

Tribunal ida hosi Áfrika-Súl haruka halo leilaun ba Teodorin Nguema Obiang, visi-prezidente Guiné Ekuatorial, nia sasán ne'ebé maka situa iha imóvel ida iha bairu luxu ida iha Cidade do Cabo, tanba disputa judisial ida.


Tuir site notísia súl-afrikanu News 24, visi-prezidente Guiné Ekuatorial nian, membru foun liu hosi Komunidade hosi Nasaun sira Lian Portugeza nian (CPLP) sei iha ativu sira ne'ebé antes iha imóvel luxu ida iha Bishopcourt, iha besik Cidade do Cabo, iha Áfrika-Súl, tanba prosesu ida ne'ebé maka hato'o hosi Daniel Janse van Rensburg, sósiu antigu ida hosi prezidente kámara Malabo nian, Gabriel Mba Bela Angabi.

Tuir News 24, diverjénsia ne'ebé akontese entre visi-prezidente ekuato-guiniense ne'e ho prezu antigu hosi kadeia Playa Negra sentra iha prosesu ne'ebé maka halo hasoru Obiang tanba deskonfia prizaun injustifikadu, tanba visi-prezidente uluk kaer pasta ba forsa armada, polísia, prizaun sira no instalasaun sira detensaun iha nasaun ne'e.

Súl-afrikanu Daniel Janse van Rensburg tama iha kadeia koñesidu afrikanu nian ne'e iha tinan 2013 bainhira kontratu ida aviasaun nian asina ho antigu autarka hosi kapital ekuato-guiniense nian hotu iha konflitu, no hafoin ne'e hetan liberdade iha Setembru 2015.

Ativu sira ne'ebé agora sei fa'an iha leilaun públiku akontese tanba Obiang la selu kustu judisial sira ne'ebé maka nia tenki selu tanba lakon asaun hosi anulasaun prosesu nian, iha folin ida ne'ebé kalkula iha osan súl-afrikanu nian hamutuk rands 178.442, besik euro 11.515 iha kámbiu loron-tersa nian.

Tuir dokumentu judisial sira ne'ebé haktuir hosi News 24, uma ne'e nia morada, iha fulan-Agostu 2015 avalia ho folin kuaze euro millaun 2,2, pertense ba Teodoro Nguema Obiang.

Ne'e hanesan prosesu ida hosi prosesu sira ne'ebé maka iha nasaun oioin akontese hasoru oan-mane hosi Prezidente Guiné Ekuatorial nian no visi-prezidente nasaun nian, hafoin iha Fransa, prosesu ida ne'ebé koñesidu liu, akuza nia halo brankeamentu osan ne'ebé karik nia hetan liuhosi korupsaun iha nia nasaun.

Ministériu Públiku husu kadeia tinan tolu no mós selu multa ida ho euro millaun 30 no konfiskasaun ba sasán konfiskadu sira, inklui edifísiu ida ne'ebé iha folin avaliadu ho euro millaun 100 resin.

Kastigu sei le iha loron 27 Outubru.

Prezidente Teodoro Obiang nia oan-mane, antigu ministru Agrikultura no Floresta ne'ebé promove hosi nia aman hodi sai nu'udar visi-prezidente, Teodorin Obiang, tinan 48, hetan daudaun julgamentu tanba brankeamentu, desviu fundu públiku sira nian, abuzu konfiansa no korupsaun.

Visi-Prezidente Guiné Ekuatorial nian sai hanesan dignitáriu afrikanu dahuluk ne'ebé maka hetan julgamentu iha kuadru hosi prosesu sira ne'ebé maka hanaran "manán kontra lei", ne'ebé hahú iha Fransa kona-ba kondisaun sira hosi akizisaun hosi patrimóniu riku sira ne'ebé pertense ba dirijente oioin hosi kontinente.

ho Lusa

 


Comentários

Critério de publicação de comentários