Pájina aktualizada iha 23:13h, domingu 19 Novembru

Hetan fila fali ró xinés sira ho tubaraun tonelada resin iha tasi timoroan sira nian

13 de Setembro de 2017, 06:47

Hetan fali ró xinés sira ho lisensa hodi halo operasaun iha tasi timoroan sira bainhira sira hahú fali nia atividade kaer tubaraun, espésie protejidu iha Timor-Leste, durante operasaun ida ne'ebé halo hamutuk entre polísia timoroan ho organizasaun ambiental Sea Shepherd.

Gary Stokes, responsável hosi asaun Sea Sheperd nian, hatete ona ba Lusa katak kaer hetan ró sira ne'e bainhira kaer hela tubaraun iha operasaun ida ne'ebé halo iha loron-sábadu liubá iha largu hosi portu Com nian, iha kosta norte Timor-Leste nian.

Ró sira ne'e pertense hosi empreza xineza sira Hong Long Fisheries ho Pingtan Marine Entreprises no hahú hosi tinan 2016 nia rohan iha lisensa hodi halo operasaun iha tasi timoroan sira nian.

Operasaun envolve ona ró Ocean Warrior hosi Sea Sheperd ne'ebé ho ró kaer ikan ne'ebé lalais ajuda lori ona efetivu sira hosi Polísia Nasional Timor-Leste (PNTL) ne'ebé maka halo ona operasaun iha ró sira nia laran, akompaña no rejista hosi drone sira no hosi kámara sira hosi organizasaun ambiental nian.

"Ho prezensa ho protesaun PNTL nian, membru sira tripulasuan nian hosi Sea Shepherd ajuda halo ona dokumentasaun ba kaptura ró nian, hodi konfirma deskonfiansa ne'ebé maka ró ne'e halo ba tubaraun sira no la'ós peska seluk ida", Stoke hatete bainhira kontakta hosi Lusa iha ró Ocean Warrior nia laran.

Stokes esplika ona katak Sea Shepherd desidi halo investigasaun ba asaun hosi ró xinés hamutuk 15 tanba notísia sira ne'ebé Lusa fó sai iha fulan-Fevereiru ne'ebé konfirma katak ró sira kaer ilegal tubaraun hamutuk tonelada 40 resin iha tasi timoroan nian.

"Hafoin hosi imi nia notísia, ami desidi mai Timor no haree saida maka ró sira ne'e halo tanba ami hatene katak Timor-Leste laiha kondisaun sira hodi halo patrulla ba tasi sira", Stokes hatete.

"Ami halo kasa ba sira iha semana tolu nia laran no ikusmai ami konsege hetan sira iha kilómetru 150 hosi súl Timor-Leste nian, ne'ebé ami konsege filma oinsá maka sira kaer ikan no rede ne'ebé sira hasai hosi tasi nakonu ho tubaraun no fatuk-ruin", nia esplika.

Notísia hosi Lusa iha fulan-Fevereiru halo Governu timoroan fó sai, liutiha oras 24, investigasaun interministerial ida ne'ebé iha fulan-Abril fó sai katak ró hamutuk 15, ida-idak, sei selu multa ida ho folin dolar 500.

"Peska tubaraun nian la'ós hanesan intensional. Sira notifika ona ami bainhira sira hahú kaer tubaraun barak. Ne'e hanoin hanesan elementu ida ne'ebé maka hamenus kastigu sira", hatete hosi ministru Estadu, Kordenador ba Asuntu Ekonómiku no mós ministru Agrikultura ho Peska, Estanislau da Silva, iha tempu ne'ebá.

Stokes garanti katak ne'e la loos no katak "liu hosi 95% duké buat ne'ebé iha ró laran maka tubaraun" ne'ebé maka foin kaer ho "rede boot sira ne'ebé maka soe ba tasi laran iha zona ida ho klean entre metru 60 no metru 80" ne'ebé estraga maka'as ona ahu-ruin sira iha rejiaun.

"Rede sira arasta iha tasi okos hodi apaña buat hotu no aranka ahu-ruin ne'ebé bainhira sai hosi tasi liuhosi rede sira no baku rahun ho martelu. La'ós de'it hamenus populasaun tubaraun nian maibé hamosu estraga maka'as ba ekosistema lokal", nia refere.

Stokes esplika ona katak iha loron-sábadu bote boraxa sira hosi Ocean Warrior uza ona hodi lori efetivu sira PNTL nian ba ró sira ne'e nia laran nune'e iha asesu ba buat hotu, dezde zona karga nian to'o motor sira no komunikasaun sira.

"Polísia halo ona serbisu di'ak tebes maibé agora ami hein atu prokurador halo buat ru,a. Ami iha ne'e iha largu Vemasse nian (iha norte illa nian) hodi observa ró hamutuk 15, maibé ami tauk atu sira halai iha loron hirak tuirmai", Stokes esplika.

"Iha ró ida hodi dada no abastese no hafoin ne'e ba abastese fali ró 15 nune'e ami tauk atu sira sai hosi tasi timoroan nian bainhira sira bele sai. Governu tenki halo asaun lalais", nia esplika.

Stokes esplika katak lisensa sira ne'ebé Governu timoroan fó ba ró sira "permiti peska ba espésie tomak" ne'ebé hela iha tasi laran no insisti ona katka maski la proteje tubaraun tomak maibé dalan hodi uza hodi halo "invazaun" hanesan insustentável.

Stokes refere katak ró sira ne'e kontrola hosi empreza xineza rua ne'ebé hanesan "parte hosi rede emprezarial kompleksu ida", pertense ba kaben-na'in xineza sira no katak ró prinsipal ne'ebé hetan ho tubaraun tonelada 40 iha ró laran iha fulan-Fevereiru liubá, Fu Yuan Yu Leng 999, kaer tubaraun iha parte sira seluk iha mundu.

Iha fulan liubá, ró hanesan kaer iha Parke Nasional Galápagos nian ho tubaraun hamutuk tonelada 300 ne'ebé simu hosi ró haat ne'ebé pertense ba Hong Long Fisheries ho Pingtan Marine Enterprises, ho tripulasaun hosi Fu Yuan Yu Leng 999 tama iha prizaun preventivu no konfiska ona ró.

Empreza ne'ebé kaer Fu Yuan Yu Leng 999, Hong Long Fisheries, iha mós ró hamutuk 15 ne'ebé halo operasaun iha Timor-Leste, maski Pingtan Marine Enterprises, ne'ebé tama iha lista iha Nasdaq hosi EUA, fó sai ona ba nia asionista sira katak iha mós ró hamutuk 15 no lisensa sira hodi halo operasaun iha Timor-Leste.

"Empreza sira peska nian iha relasionamentu kompleksu no ligasaun ba malu, sira nia baze iha Fuzhou, iha Xina no hanesan propriedade hosi família Zhou. Ministru Peska hosi Indonézia nian, Susi Prudjiastuti, duni sai ona Pingtan iha tinan 2014 no to'o agora laiha autorizasaun hodi fila", Stokes fó hanoin hikas.

ho Lusa


Comentários

Critério de publicação de comentários