Pájina aktualizada iha 14:11h, sabado 16 Dezembru

Ministériu Saúde saun-tomense lansa kampaña vasinasaun hasoru kankru oan-fatin nian

13 de Outubro de 2017, 00:35

Ministériu Saúde saun-tomense nian hahú iha loron 27 Novembru oinmai kampaña ida vasinasaun nian hasoru kankru oan-fatin nian, fó sai hosi diretora Kuidadu Saúde nian, Maria Tomé Palmer, ba imprensa.


Kampaña sei hala'o iha nasaun tomak no autoridade sira hein katak sei halo vasina ba labarik sira ho tinan sanulu.

Ministériu Saúde konklui, iha loron-kuarta, formasaun ida loron rua ba formador sira ne'ebé tékniku saúde sira aprende ona oinsá aplika vasina hasoru vírus papiloma humano, ne'ebé hanesan responsáve ba kankru oan-fatin nian.

Kampaña vasinasaun nian hanesan inisiativu ida hosi governu, liuliu hosi ministériu Saúde ho ministériu Edukasaun, Kultura, Siénsia ho Komunikasaun nian ne'ebé selu hosi Fundu ONU nian ba Infánsia (UNICEF) ho Organizasaun Mundial Saúde nian (OMS).

"Sei hanesan prekausaun ida ba ita nia joven adolesente sira, hodi ita bele garanti estadu saúde ida di'ak ba labarik sira ne'e nia futuru", Maria Tomé Palmer hatete.

Ministériu Saúde, ne'ebé organiza hela kampaña vasinasaun nian, husu envolvimentu hosi aman-inan sira no enkaregadu edukasaun sira, profesor sira no responsável sira hosi komunidade "hodi nune'e vasina bele hetan susesu".

"Labarik-feto sira ne'e barak maka iha ona eskola sira, hahú ona tinan letivu nune'e sei presiza kolaborasaun hosi Ministériu Edukasaun hamutuk ho profesor sira hodi permiti vasinasaun ba labarik sira ne'e", nia hakotu.

ho Lusa

 


Comentários

Critério de publicação de comentários